2026 جىلعى 26 ماۋسىمدا الماتى وبلىسى، قوناەۆ قالاسىندا «بىرلىگىمىز ارالۋاندىقتا» جوباسى اياسىندا «ەتنوسارالىق كەلىسىم – تۇراقتى دامۋ نەگىزى» اتتى رەسپۋبليكالىق فورۋم ءوتتى. فورۋمنىڭ ماقساتى – ەتنوسارالىق تاتۋلىقتى نىعايتۋ، قوعامدىق كەلىسىم قۇندىلىقتارىن دارىپتەۋ جانە وڭىرارالىق تاجىريبە الماسۋ بولدى.
ءىس-شاراعا قازاقستان رەسپۋبليكاسى مادەنيەت جانە اقپارات مينيسترلىگىنىڭ ەتنوسارالىق قاتىناستاردى دامىتۋ كوميتەتىنىڭ وكىلدەرى، الماتى وبلىسى اكىمىنىڭ ورىنباسارى عاني ايدارۇلى مايلىباەۆ، رەسپۋبليكالىق جانە وڭىرلىك «قوعامدىق كەلىسىم» مەكەمەلەرىنىڭ باسشىلارى، ەتنومادەني بىرلەستىكتەردىڭ توراعالارى، قازاقستان حالقى اسسامبلەياسىنىڭ مۇشەلەرى مەن «اسسامبلەيا جاستارى» رەسپۋبليكالىق قوعامدىق بىرلەستىگىنىڭ وكىلدەرى قاتىستى. 
فورۋم بارىسىندا ەتنوسارالىق كەلىسىمدى نىعايتۋ، قوعامدىق تۇراقتىلىقتى ساقتاۋ، جاستاردىڭ ەل بىرلىگىن نىعايتۋداعى ءرولى، سونداي-اق جاڭا كونستيتۋتسيا مەن ۇلتتىق قۇرىلتايدىڭ ماڭىزى جونىندەگى وزەكتى ماسەلەلەر تالقىلاندى. سپيكەرلەر باياندامالار جاساپ، ءوزارا تاجىريبە الماسىپ، قوعامدىق كەلىسىم سالاسىنداعى ۇزدىك تاجىريبەلەرمەن ءبولىستى. 
فورۋم قورىتىندىسىندا قاتىسۋشىلار ەتنوسارالىق كەلىسىم مەن جالپىۇلتتىق بىرلىكتى نىعايتۋ جولىنداعى ىنتىماقتاستىقتى ودان ءارى دامىتۋعا دايىن ەكەندىكتەرىن ءبىلدىرىپ، قوعامدىق تۇراقتىلىقتى ساقتاۋ – ەلدىڭ ورنىقتى دامۋىنىڭ باستى كەپىلى ەكەنىن اتاپ ءوتتى.
