الماتى وبلىسىندا مەكتەپ تۇلەكتەرى وتىرعان اۆتوكورتەج جول ەرەجەسىن ورەسكەل بۇزدى. بۇل وقيعا ۇلكەن الماتى اينالما اۆتوموبيل جولىندا بولعان، دەپ حابارلايدى “ادىرنا” ۇلتتىق پورتالى.
الەۋمەتتىك جەلىدە تاراعان بەينەجازبادا كولىكتەردىڭ جولدى جاۋىپ، وڭدى-سولدى ءجۇرىپ، قوزعالىسقا كەدەرگى كەلتىرگەنى انىق كورىنەدى.
الماتى وبلىسى پوليتسيا دەپارتامەنتىنىڭ مالىمەتىنشە، زاڭ بۇزعان كورتەجدىڭ بارلىق قاتىسۋشىسى انىقتالىپ، ۇستالعان.
“كولىكتەر ارنايى اۆتوتۇراققا قويىلدى. كامەلەتكە تولماعان جولاۋشىلاردىڭ اتا-انالارى دا ءوز مىندەتتەرىن ءتيىستى تۇردە ورىنداماعانى ءۇشىن جاۋاپقا تارتىلادى. پوليتسيا ازاماتتاردى جول ەرەجەلەرىن ساقتاۋعا جانە بالالاردىڭ ءومىرى مەن دەنساۋلىعىنا قاۋىپ توندىرمەۋگە شاقىرادى”، — دەپ حابارلادى دەپارتامەنتتەن.
قۇقىق قورعاۋ ورگاندارى وقيعاعا قاتىستى 17 زاڭ بۇزۋ دەرەگى بويىنشا ماتەريالداردى سوتقا جولداعان. ولاردىڭ قاتارىندا قاۋىپسىزدىك بەلدىگىن تاقپاۋ، قوزعالىس ەرەجەلەرىن ورەسكەل بۇزۋ جانە اپاتتى جاعداي تۋعىزۋ دەرەكتەرى بار.
پوليتسيا دەپارتامەنتى مەكتەپ ءبىتىرۋ شارالارىن وتكىزۋ كەزىندە جول قاۋىپسىزدىگىن ساقتاۋدىڭ ماڭىزدىلىعىن ەسكە سالىپ، اتا-انالار مەن جۇرگىزۋشىلەردى جاۋاپكەرشىلىك تانىتۋعا شاقىردى.
ۇقساس جاڭالىقتار
