27 ماۋسىمدا استانا ۋاقىتىمەن ساعات 18:34-تە اۋعانستان اۋماعىندا جەر سىلكىنىسى تىركەلدى، دەپ حابارلايدى "ادىرنا".
توتەنشە جاعدايلار مينيسترلىگىنىڭ مالىمەتىنشە، جەراستى ءدۇمپۋى ەلىمىزدىڭ وڭتۇستىك وڭىرلەرىندە 2 بالل شاماسىندا سەزىلگەن. اتاپ ايتقاندا، جەر سىلكىنىسى شىمكەنت قالاسى، تۇركىستان جانە جامبىل وبلىستارىنىڭ بىرقاتار ەلدى مەكەندەرىندە بايقالعان.
الدىن الا مالىمەتتەرگە سايكەس، زارداپ شەككەندەر مەن قيراۋلار تۋرالى اقپارات تىركەلگەن جوق.
قۇزىرلى ورگاندار جاعدايدى باقىلاۋدا ۇستاپ وتىر. تۇرعىندارعا رەسمي اقپارات كوزدەرىنە سۇيەنىپ، قاۋىپسىزدىك تالاپتارىن ساقتاۋعا كەڭەس بەرىلەدى.
ۇقساس جاڭالىقتار
