وسىدان 115 جىل بۇرىن، ياعني 1905 جىلى 12 قاراشادا، دونداعى روستوۆ مەكەنىندە كومپوزيتور، قازاق مۋزىكالىق مۇرالارىن جيناقتاۋشىلاردىڭ ءبىرى، پروفەسسور، كسرو جانە قازسسر مەملەكەتتىك سىيلىعىنىڭ لاۋرەاتى ەۆگەني گريگورەۆيچ برۋسيلوۆسكي دۇنيەگە كەلدى.
لەنينگراد كونسەرۆاتورياسىن پروفەسسور م.و. شتەينبەرگتىڭ كومپوزيتسيا كلاسى بويىنشا بىتىرگەن. برۋسيلوۆسكي ءوزىنىڭ شىعارماشىلىق قىزمەتىن قازاقتىڭ مۋزىكالىق فولكلورىن زەرتتەۋگە ارنادى. ول - ن.بوكەيحانوۆ، ل.مۇحيتوۆ، م.بوكەيحانوۆ، ي.بايزاقوۆ سياقتى كورنەكتى مۋزىكانتتاردىڭ اندەرى مەن كۇيلەرىن جازىپ العان.
برۋسيلوۆسكي العاشقى قازاق وپەرالارىن، سيمفونيالارىن، ءىرى حورلىق جانە كانتاتا - وراتوريالىق شىعارمالاردى العاش كورەرمەنگە تانىتقان مۋزىكانت. ول - «قىز جىبەك»، «جالبىر»، «ەر تارعىن» وپەرالارىنىڭ، «سارىارقا»، «تسەليننايا»، «قۇرمانعازى» سيمفونيالارىنىڭ، كانتاتالاردىڭ، سيۋيتالاردىڭ 50-دەن اسا ءان مەن رومانستاردىڭ اۆتورى.
ە.گ.برۋسيلوۆسكيدىڭ مۋزىكالىق شىعارمالارىنا اشىق، بەينەلى اۋەندىك سيپاتتامالار ءتان. قازاق اۋەنىن ءوز بوياۋىمەن قابىلداپ، ونى كورەرمەن قۇلاعىنا جەتكىزۋدە ە.گ.برۋسيلوۆسكيدىڭ ەڭبەگى زور.
لەنين، ەڭبەك قىزىل تۋ، «قۇرمەت بەلگىسى» وردەندەرىمەن ماراپاتتالعان.
1981 9 مامىردا ماسكەۋدە قايتىس بولدى.
