قازاقستاننىڭ ەڭبەك سىڭىرگەن ونەر قايراتكەرى، «پاراسات» جانە «وتان» وردەندەرىنىڭ يەگەرى، قازاقستان كومپوزيتورلار وداعىنىڭ مۇشەسى، پروفەسسور يۋري اراۆين ومىردەن ءوتتى، جەپ حابارلايدى "ادىرنا" ۇلتتىق پورتالى.
بۇل تۋرالى ايدا بالاەۆا الەۋمەتتىك جەلى پاراقشاسىندا ءبولىستى.
يۋري پەتروۆيچ قازاق حالىق مۋزىكاسىنىڭ ەڭ تانىمال ناسيحاتتاۋشىلارىنىڭ ءبىرى بولدى. ول كوپتەگەن فولكلورلىق ەكسپەديتسيالاردى ۇيىمداستىرىپ، كونە مۋزىكالىق تۋىندىلاردى جاڭعىرتۋعا ۇلكەن ەڭبەك ءسىڭىردى.
1970-جىلدارى يۋري اراۆين قازاق مۋزىكاسىنا، حالىق كومپوزيتورلارى مەن اقىندارىنا ارنالعان تەلە جانە راديوباعدارلامالار سەرياسىن جۇرگىزىپ، ۇلتتىق ونەردىڭ باي الەمىن كوپشىلىككە پاش ەتتى.
يۋري اراۆين 1941 جىلى تۆەر قالاسىندا دۇنيەگە كەلگەن. ول 1968 جىلى نوۆوسيبيرسك كونسەرۆاتورياسىنىڭ تاريحي-تەوريالىق فاكۋلتەتىن، ال 1972 جىلى الماتىداعى قۇرمانعازى اتىنداعى مەملەكەتتىك كونسەرۆاتوريانىڭ اسپيرانتۋراسىن بىتىرگەن.
1973–1978 جىلدارى ول قازاق مەملەكەتتىك قىزدار پەداگوگيكالىق ينستيتۋتىندا، ال 1979–1988 جىلدارى قۇرمانعازى اتىنداعى الماتى مەملەكەتتىك كونسەرۆاتورياسىندا مۋزىكالىق-تاريحي جانە تەوريالىق پاندەردەن ءدارىس بەرگەن.
يۋري اراۆين بيىل 2 ساۋىردە 84 جاسقا تولعان ەدى.
مارقۇمنىڭ تۋعان-تۋىستارىنا، جاقىندارىنا، دوستارى مەن ارىپتەستەرىنە كوڭىل ايتامىز.
