قازاقستاندىق شاحماتشى الۋا نۇرمان گونكونگتە وتكەن كوماندالىق الەم چەمپيوناتىندا ءساتتى ونەر كورسەتىپ، ايەلدەر تاقتاسىندا كۇمىس جۇلدەگە يە بولدى، دەپ حابارلايدى "ادىرنا" ۇلتتىق پورتالى.
19 جاستاعى سپورتشى راپيد جانە بليتس فورماتىنداعى جارىستاردا الەمنىڭ جەتەكشى شاحماتشىلارىمەن تەڭ دارەجەدە سىنعا ءتۇستى. تۋرنير بارىسىندا ول الەمنىڭ بىرنەشە مىقتى گروسسمەيستەرىنە قارسى ءساتتى ويىن كورسەتتى.
الۋا نۇرمان ماگنۋس كارلسەننىڭ كومانداسىنا قارسى كەزدەسۋدە ءوز ۇپايىن الىپ، كوماندانىڭ جەڭىسىنە ۇلەس قوستى. سونىمەن قاتار ول الەم چەمپيونى الەكساندرا كوستەنيۋكتى جەڭىپ، قازىرگى الەم چەمپيونى تسزيۋي ۆەنتسزيۋنمەن تەڭ ءتۇستى.
بۇدان بولەك، قازاقستاندىق شاحماتشى ءۇندىستان وكىلى، الەم چەمپيونى ديۆيا دەشمۋحتى جانە وزبەكستاننىڭ شاحماتشىسى گۋلرۋحبەگيم توحيرجونوۆانى جەڭدى. تۋرنيردەگى سوڭعى پارتياسىن تاجىريبەلى ۇندىستاندىق حاريكا دروناۆالليمەن تەڭ ناتيجەمەن اياقتادى.
جارىس قورىتىندىسى بويىنشا الۋا نۇرمان ونەر كورسەتكەن Barys كومانداسى جالپى ەسەپتە 9-ورىنعا تۇراقتادى. ال قازاقستاندىق شاحماتشى ايەلدەر تاقتاسىندا كۇمىس جۇلدەگە يە بولىپ، حالىقارالىق دوداداعى جوعارى دەڭگەيىن تاعى ءبىر مارتە دالەلدەدى.
