بۇگىن، 26 ماۋسىمدا استاناداعى ازيا پارك سسو، ارمان كينوتەاترىندا ء«ابىل» تولىقمەتراجدى كوركەم ءفيلمىنىڭ قازاقستاندىق پرەمەراسى وتەدى.
كورسەتىلىم ساعات 19:30-دا باستالادى.
فيلم تۋرالى
1993 جىل. پريۆاتيزاتسيا. سوۆەت ۇكىمەتى قۇلاپ، قازاقستان ءوز تاۋەلسىزدىگىن العان كەز. قوعامدىق ەكونوميكالىق ساياسات سوتسياليزمنەن كاپيتاليزمگە اۋىسىپ جاتتى. سوعان وراي، بۇعانعا دەيىن مەملەكەتكە ورتاق بوپ كەلگەن قازىنا-مۇلىك حالىققا ۇلەستىرىلىپ، جەكەشەلەندىرۋگە وتپەك. بۇل جەكەشەلەندىرۋدەن «بايانقازاق» كولحوزىنىڭ شوپانى ءابىلدىڭ دە ءوز ۇلەسى بار ەدى. الايدا، كوپ دۇنيە ول ويلاعانداي بولماي شىقتى.
ءفيلمنىڭ جاسالۋ تاريحى
ءفيلمنىڭ ءوندىرىسى 2022 جىلى باستالىپ، 2023 جىلدىڭ سوڭىندا تولىق دايىن بولدى. وسىدان كەيىن فيلم حالىقارالىق فەستيۆالدىك ساپارىن باستاپ، ەۋروپا مەن ازياداعى بەدەلدى كينوفەستيۆالدەردە كورسەتىلدى.
حالىقارالىق جەتىستىكتەر
ءفيلمنىڭ الەمدىك پرەمەراسى 2024 جىلى Busan International Film Festival اياسىندا ءوتتى. كەيىن كارتينا ازيا مەن ەۋروپاداعى 10-نان استام حالىقارالىق كينوفەستيۆالدىڭ باعدارلاماسىنا ەنىپ 10 جۇلدەگە يە بولدى.
ءفيلمنىڭ حالىقارالىق دەڭگەيدەگى ماراپاتتارى:
فرانتسياداعى Vesoul International Film Festival of Asian Cinemas فەستيۆالىندە Jury Grand Prize, Critical Jury Prize جانە NETPAC Jury Prize
Bishkek International Film Festival فەستيۆالىندە «ۇزدىك اكتەر» جۇلدەسى;
Da Nang Asian Film Festival فەستيۆالىندە «ۇزدىك ايەل ءرولى» جۇلدەسى;
Silk Road International Film Festival فەستيۆالىندە «ۇزدىك ەر ادام ءرولى» جۇلدەسى;
Dhaka International Film Festival فەستيۆالىندە «ۇزدىك ەر ادام ءرولى» جانە «ۇزدىك وپەراتورلىق جۇمىس» جۇلدەلەرى.
فرانتسياداعى 17-UniverCine Nantes Film Festival فەستيۆالىندە Jury Prize جانە
«كورەرمەندەر ىقىلاسى» جۇلدەسى
شىعارماشىلىق توپ
ستسەناري اۆتورى جانە قويۋشى-رەجيسسەر — ەلزات ەسكەندىر
پروديۋسەرلەر — سەرىك ابىشەۆ، سەرگەي ءازىموۆ، ەرلان بەكقوجين
حالىقارالىق پروديۋسەر — يۋليا كيم
قويۋشى-وپەراتور — يولانتا-اننا دىلەۆسكا
قويۋشى-سۋرەتشىلەر — سەرگەي كوپىلوۆ، سالاۋات قابدولدانوۆ
كومپوزيتور — اقمارال مەرگەن
دىبىس رەجيسسەرى — يليا گاريەۆ
كاستينگ ديرەكتور — نۇرلىعازى قابدىراق
اتقارۋشى پروديۋسەرلەر — سۆەتلانا نام، تالعات جۇماسۇلتانوۆ
كرەاتيۆتى پروديۋسەر — اننا ۆيلگەلمي
اكتەرلىك قۇرام
باستى رولدەردە:
ءابىل — ەرلان تولەۋتاي
شىنار — نۇرجان بەكسۇلتانوۆا
مەڭتاي — قايسار دەپۋتات
مايرا — ءىنجۋ ابدىبەك
كوكىش — نۇرتاس باقىت
ءومىش — ميراس بۇركىتجان
ايۋپ — قايرات كەمالوۆ
رولدەردە:
تاكەن — ءاليحان لەپەسباي
باحا — مەرەكە سۇلەيمەنوۆ
ازات — ازات نۇرتاەۆ
بولات — ۇلان ءنۇسىپالى
زووتەحنيك — مەيرام قايسانوۆ
زاۆفەرما — ەرنار تىلەنشيەۆ
بولاتتىڭ شوپىرى — ولجاس ءمۇسلىموۆ
نۇربەك، مال دارىگەرى — ەربول شۇكىروۆ
قاسەن — عازيز سۇراپباەۆ
ايۋپتىڭ ايەلى — ماحاببات سارقىتباەۆا
قالي — تولەۋبەك تۇرالىقوۆ
ءومىرجان — نۇربەك مۇقىشەۆ
فيلمدەگى باستى ءرولدى بەلگىلى ءداستۇرلى ءانشى، كومپوزيتور، پۋبليتسيست جانە ونەرتانۋشى ەرلان تولەۋتاي سومدادى. ونىڭ اكتەرلىك جۇمىسى حالىقارالىق فەستيۆالدەردە جوعارى باعالانىپ، بىرنەشە مارتە «ۇزدىك اكتەر» اتالىمىنىڭ جەڭىمپازى اتاندى.
الماتىداعى كورسەتىلىم ءفيلمنىڭ حالىقارالىق فەستيۆالدىك ساپارىنان كەيىنگى قازاقستانداعى العاشقى كەڭ اۋقىمدى تۇساۋكەسەرى بولماق.
فيلم ءوندىرىسى
ء«ابىل» كوركەم ءفيلمى ۇلتتىق كينونى قولداۋ مەملەكەتتىك ورتالىعىنىڭ قولداۋىمەن جانە «شاكەن ايمانوۆ اتىنداعى «قازاقفيلم» ۇلتتىق كينوستۋدياسى» اق قاتىسۋىمەن ءوندىرىلدى.
ءفيلمنىڭ رەسمي ديستريبيۋتورى — Tanaris Production.
ءفيلمنىڭ قازاقستانداعى پروكاتىنىڭ ديستريبيۋتورى - Sulpak Cinema.
