فوتو: olympic.kz
تالعات بايسۋفينوۆتىڭ ۇلتتىق قۇرامانىڭ باس باپكەرى قىزمەتىنەن كەتتى. بۇل تۋرالى قازاقستان فۋتبول فەدەراتسياسىنىڭ الەۋمەتتىك جەلىدەگى رەسمي پاراقشاسى جازدى، دەپ حابارلايدى "ادىرنا".
جازبادا قفف باس باپكەردىڭ وتستاۆكاسىن وكىنىشپەن قابىلداپ، شەشىمىنە قۇرمەتپەن قاراعانى جازىلعان.
"كوماندا تىزگىنىندەگى جۇمىسى بارىسىندا تالعات بايسۋفينوۆ قۇراماداعى بارلىق كەزەڭدەرى اراسىندا ەڭ ۇزدىك ناتيجەنى كورسەتتى. ونىڭ ىشىندە الەم چەمپيوناتىنىڭ ىرىكتەۋ كەزەڭىندە بەلگيامەن ءوز الاڭىمىزدا تەڭ ءتۇستى. ونىڭ جەتەكشىلىگىمەن كوماندا ءوز كۇشىنە دەگەن سەنىمدىلىكتى قايتارىپ، فيفا رەيتينگىندەگى ورنىن جاقسارتتى.
قفف تالعات مارۋاۇلىنا كاسىبيلىگى، ىسىنە دەگەن ادالدىعى جانە قازاقستان ۇلتتىق قۇراماسىنىڭ دامۋىنا قوسقان ەلەۋلى ۇلەسى ءۇشىن العىس بىلدىرەدى، سونداي-اق وعان الداعى كاسىبي قىزمەتىندە ساتتىلىك تىلەيدى", – دەپ جازىلعان حابارلامادا.
قازىرگى ۋاقىتتا باپكەرلەر شتابىن جاساقتاۋ بويىنشا الداعى قادامدار تالقىلانۋدا.
ۇلتتىق قۇرامانىڭ الداعى ماتچتارعا دايىندىعى قالىپتى كۇيدە جالعاسپاق.
