ۇلىتاۋ وبلىسىندا وتاندىق ءوندىرىستى قولداۋعا جانە جەرگىلىكتى كاسىپكەرلەردىڭ الەۋەتىن تانىتۋعا باعىتتالعان «قازاقستاننىڭ ۇزدىك تاۋارى» وڭىرلىك كورمە-بايقاۋى ۇيىمداستىرىلدى. اۋقىمدى شاراعا ءوڭىردىڭ 80-گە جۋىق كاسىپكەرى قاتىسىپ، ءوز ونىمدەرىن كوپشىلىك نازارىنا ۇسىندى.
كورمەدە نان جانە كونديتەرلىك ونىمدەر، ەت جانە ءسۇت ونىمدەرى، جارتىلاي فابريكاتتار، توقىما بۇيىمدارى، بىلعارى، كيىز جانە كۇمىستەن جاسالعان قولونەر تۋىندىلارى، ۇلتتىق كيىمدەر مەن حالىق تۇتىناتىن ءتۇرلى تاۋارلار قويىلدى.
ءىس-شارا ۇلىتاۋ وبلىسى اكىمدىگى مەن «اتامەكەن» ۇلتتىق كاسىپكەرلەر پالاتاسىنىڭ ۇلىتاۋ وبلىستىق فيليالىنىڭ ۇيىمداستىرۋىمەن ءوتتى.
كورمەنى ارالاعان وبلىس اكىمى داستان رىسپەكوۆ وڭىردە كاسىپكەرلىكتى دامىتۋعا ەرەكشە كوڭىل ءبولىنىپ وتىرعانىن اتاپ ءوتتى.
بايقاۋ قورىتىندىسى بويىنشا ءوڭىردىڭ 9 كاسىپكەرلىك سۋبەكتىسى ارنايى نوميناتسيالار بويىنشا جەڭىمپاز اتانىپ، ماراپاتتار مەن ارنايى سىيلىقتارعا يە بولدى.
الداعى 2026 جىلعى 21 شىلدەدە جارتىلاي فيناليستەر وڭىرلىك برەند-كوميتەت الدىندا ءوز بيزنەس-يدەيالارىن قورعايدى. ىرىكتەۋ ناتيجەسىندە ۇزدىك 10 جوبا انىقتالىپ، ولار ۇلىتاۋ وبلىسىنىڭ اتىنان رەسپۋبليكالىق دەڭگەيدەگى كورمە-جارمەڭكەگە قاتىسادى. سونىمەن قاتار فيناليستەر كاسىپتەرىن دامىتۋعا ارنالعان 5 ميلليون تەڭگە كولەمىندەگى گرانتقا ۇمىتكەر بولۋ مۇمكىندىگىنە يە بولادى.
اتالعان بايقاۋ جەرگىلىكتى ءوندىرىستى دامىتۋعا، وڭىرلىك برەندتەردى قالىپتاستىرۋعا جانە كاسىپكەرلەردىڭ جاڭا نارىقتارعا شىعۋىنا جول اشاتىن ماڭىزدى الاڭ بولىپ تابىلادى.
