الماتىدا «2025 جىلعى تۇركى الەمىنىڭ جاستار استاناسى» مارتەبەسى اياسىنداعى قورىتىندى ءىس-شارالار ءوتتى. بەس كۇن بويى قازاقستان، تۇركيا، ءازىربايجان، قىرعىزستان، وزبەكستان جانە تۇرىكمەنستاننىڭ جاستار دەلەگاتسيالارى تۇركى مەملەكەتتەرى جاستارى اراسىنداعى ىنتىماقتاستىقتى نىعايتۋعا باعىتتالعان ءبىلىم بەرۋ، ديالوگ، ەكولوگيالىق، ەرىكتىلىك جانە مادەني جوبالارعا قاتىستى.
ءىس-شارالار باعدارلاماسى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ ايقىنداعان نەگىزگى باسىمدىقتارعا سايكەس ازىرلەندى. ولار تسيفرلاندىرۋ جانە جاساندى ينتەللەكت، «زاڭ مەن ءتارتىپ» قاعيداتى، «تازا قازاقستان» ەكولوگيالىق باستاماسى جانە ەرىكتىلىك قوزعالىستى دامىتۋ.
تسيفرلاندىرۋ باعىتى اياسىندا تۇركى مەملەكەتتەرى ۇيىمىنا مۇشە ەلدەردىڭ جاستارى مەن ساراپشىلارى قاتىسقان حالىقارالىق Digital Turkic Youth فورۋمى ءوتتى. تەحنولوگيالىق كومپانيالار مەن ءبىلىم بەرۋ ۇيىمدارىنىڭ وكىلدەرى جاساندى ينتەللەكتتىڭ دامۋى، تسيفرلىق تەحنولوگيا، بولاشاقتىڭ قۇزىرەتتەرى جانە ەڭبەك نارىعىنداعى وزگەرىستەر جايىن تالقىلادى.
ادامي كاپيتالدى دامىتۋ ماسەلەسىنە ارنالعان Kazakhstan–Turkey Psychosocial Support Project حالىقارالىق فورۋمى قازاقستان مەن تۇركيانىڭ ساراپشىلارىن ءبىر الاڭعا جينادى. قاتىسۋشىلار جاستارعا پسيحوالەۋمەتتىك قولداۋ كورسەتۋ، ەموتسيونالدىق تۇراقتىلىقتى ارتتىرۋ جانە داعدارىس جاعدايلارىنىڭ الدىن الۋ ماسەلەلەرىن قاراستىردى. سونىمەن قاتار، دەلەگاتسيالار الماتىنىڭ توتەنشە جاعدايلار دەپارتامەنتىنە بارىپ، كۇيزەلىسكە توزىمدىلىكتى ارتتىرۋ بويىنشا تاجىريبەلىك ترەنينگكە قاتىستى.
سپورت باعىتى بويىنشا قاتىسۋشىلار «قايرات» فۋتبول كلۋبى اكادەمياسىندا جاس سپورتشىلاردى دايارلاۋ جۇيەسىمەن تانىستى.
ءىس-شارالاردىڭ ماڭىزدى بولىگىنىڭ ءبىرى تۇركى مەملەكەتتەرى ۇيىمىنىڭ حالىقارالىق جاستار كەمپينگى بولدى. ونىڭ اياسىندا جاستار ديپلوماتياسى مەن مادەنيەتارالىق ىنتىماقتاستىققا ارنالعان Beyond Borders: Youth Without Borders سەسسياسى، سونداي-اق تسيفرلاندىرۋ، ەكولوگيا، ەرىكتىلىك جانە قوعامدىق دامۋ باعىتتارىنداعى باستامالاردى ازىرلەۋگە ارنالعان Youth Solutions Lab حاكاتونى ۇيىمداستىرىلدى.
حالىقارالىق ەرىكتىلىكتى دامىتۋعا ەرەكشە كوڭىل ءبولىندى. ەرىكتىلەردىڭ حالىقارالىق جىلى اياسىندا جۇزەگە اسقان «اتتاشە مەكتەبى» جوباسىنا قاتىسۋشىلار حالىقارالىق حاتتاما مەن مادەنيەتارالىق كوممۋنيكاتسيا نەگىزدەرىن مەڭگەرىپ، شەتەلدىك دەلەگاتسيالاردى قولداۋعا اتسالىستى.
«تازا قازاقستان» باستاماسىن قولداۋ ماقساتىندا Turkic Youth Tree of Unity ەكولوگيالىق اكتسياسى ءوتتى. تۇركى مەملەكەتتەرىنىڭ جاس وكىلدەرى قورشاعان ورتانى قورعاۋداعى ورتاق جاۋاپكەرشىلىك پەن بىرلىكتىڭ بەلگىسى رەتىندە اعاش ەكتى.
«زاڭ مەن ءتارتىپ» قاعيداتىن ناسيحاتتاۋ اياسىندا ازاماتتىق جاۋاپكەرشىلىك، قۇقىقتىق مادەنيەت جانە قوعامدىق قاۋىپسىزدىك ماسەلەلەرى بويىنشا تاقىرىپتىق كەزدەسۋلەر مەن پىكىرتالاس الاڭدارى ۇيىمداستىرىلدى.
14 ماۋسىم كۇنى جوبانىڭ سالتاناتتى جابىلۋ ءراسىمى ءوتىپ، قورىتىندىلاندى. سونداي-اق، تۇركى الەمىنىڭ جاستار استاناسىنىڭ سيمۆوليكالىق كىلتى وزبەكستان رەسپۋبليكاسىنىڭ وكىلدەرىنە تابىستالدى.
ايتا كەتۋ كەرەك، 2025-2026 جىلدارى اتالعان مارتەبەنى ىسكە اسىرۋ كەزەڭىندە الماتىدا 8 مىڭنان استام جاستى قامتىعان 60-تان استام ءىس-شارا وتكىزىلدى. بۇل جوبا جاستار ديپلوماتياسىن نىعايتۋعا، گۋمانيتارلىق بايلانىستاردى كەڭەيتۋگە جانە حالىقارالىق جاستار ىنتىماقتاستىعىن دامىتۋعا ىقپال ەتىپ، الماتىنىڭ تۇركى الەمىنىڭ جەتەكشى جاستار ورتالىقتارىنىڭ ءبىرى رەتىندەگى مارتەبەسىن تاعى ءبىر مارتە ايقىندادى.
