“سۋ تاسقىنىنىڭ زارداپتارىمەن كۇرەسەمىز”: بەلگىلى زاڭگەر ابزال قۇسپان بقو تۇرعىندارىنا بەينەۇندەۋ جولدادى

2136
Adyrna.kz Telegram

بەلگىلى زاڭگەر ءارى قازاقستان رەسپۋبليكاسىنىڭ پارلامەنت سايلاۋىنا ۇمىتكەر ابزال قۇسپان بقو تۇرعىندارىنا سۋ تاسقىنى سالدارىنان كەلگەن زارداپتارىمەن كۇرەسەتىنىن ايتىپ، بەينەۇندەۋ جولدادى، دەپ حابارلايدى “ادىرنا” ۇلتتىق پورتالى.

“كەشە مەنىڭ شتابىم سۋ تاسقىنى وقيعالارىنا وراي، بەلسەندى سايلاۋالدى ناسيحاتتى توقتاتۋ تۋرالى شەشىم قابىلداعان بولاتىن ول تۋرالى بەينەۇندەۋىمدە جاريالادىم.

پروبلەما وتكەن اپتادا باستالعان بولاتىن، بىراق ول كەزدە ماعان سالا ماماندارى ەندى ءبىر كۇننەن سوڭ سۋ كەرى قايتىپ، ماسەلە تۇراقتانادى دەپ سەندىرگەن ەدى. الايدا سوڭعى ەكى كۇندە جاعداي قايتادان كۇردەلەندى، ناتيجەسىندە وبلىس بويىنشا 4 اۋداندا توتەنشە جاعداي جاريالاندى. بۇنداي كەزدە سايلاۋ دەپ ەلدىڭ مازاسىن العان دۇرىس بولماس.

قازىرگى باستى ماسەلە – سۋ اپاتىنا ۇشىراعان ازاماتتارعا جان-جاقتى قولداۋ كورسەتۋ، سونداي-اق وسىنداي اپاتتاردىڭ تۋىنداۋ سەبەپتەرىن زەردەلەۋ جانە الداعى ۋاقىتتا ولاردىڭ الدىن الۋدى ويلاستىرۋ قاجەت.

ەرتەڭدەرى سوڭعى ەكى كۇنگى جۇمىسىمىزدىڭ ناتيجەسىن كورەتىن بولاسىزدار”،- دەپ جازدى ول Facebook پاراقشاسىندا.

پىكىرلەر