يراننىڭ كۋلۋندجۋ اۋىلىندا تۇرىك تىلىندە جازىلعان جاڭا كورسەتكىش تاقتالار ورناتىلدى، دەپ حابارلايدى “ادىرنا” جەرگىلىكتى باق-قا سىلتەپ.
ماڭدايشالار يراننىڭ وڭتۇستىك ازەربايجان پروۆينتسياسىنا قاراستى ۋرۋميا اۋدانىنداعى كۋلۋندجۋ (قۇلىندى) اۋىلىندا ورناتىلعان. كوشەلەر مەن اۋىلدار باعىتىندا قويىلعان بەلگىلەردەن كارنەيلي (كەرنەيلى), دەنيز يولى (تەڭىز جولى), حيردا يول (قىر جولى) ت.ب. اتاۋلاردى كەزدەستىرۋگە بولادى.
بۇل باستاما جەرگىلىكتى تۇرعىندار تاراپىنان قولداۋ تاۋىپ، ءوڭىردىڭ انا ءتىلىن ساقتاۋ جانە مادەني بىرەگەيلىكتى نىعايتۋعا باعىتتالعان قادام رەتىندە باعالانىپ وتىر. ويتكەنى يراننىڭ بىرنەشە ايماعىنداعى حالىقتىڭ، ونىڭ ىشىندە وڭتۇستىك ازەربايجان تۇرعىندارىنىڭ كوپشىلىگى ازەربايجان تىلىندە سويلەيدى. يراندا ازەربايجان ءتىلىن "تۇركى ءتىلى", نەمەسە "ازەري ءتىلى" دەيدى.
جاڭا ماڭدايشالاردا اۋىلعا قاتىستى اتاۋلار مەن جەرگىلىكتى تىركەستەر تۇركى تىلىندە بەرىلگەن. تۇرعىنداردىڭ ايتۋىنشا، مۇنداي وزگەرىس ايماقتىڭ تىلدىك جانە مادەني مۇراسىن ايقىنىراق كورسەتىپ، جەرگىلىكتى بولمىستىڭ كورىنىسىن كۇشەيتەدى.
