قازاقستاندا الداعى اكىمشىلىك راقىمشىلىق اياسىندا ازاماتتاردىڭ ميللياردتاعان تەڭگە كولەمىندەگى ايىپپۇلدارى ەسەپتەن شىعارىلادى، دەپ حابارلايدى "ادىرنا" ۇلتتىق پورتالى Polisia.kz-كە سىلتەپ.
مالىمەتكە سايكەس، راقىمشىلىق ىشكى ىستەر مينيسترلىگى جەلىسى بويىنشا شامامەن 1 ميلليون اكىمشىلىك ايىپپۇلدى قامتيدى. ولاردىڭ جالپى سوماسى 17 ميلليارد تەڭگەدەن اسادى. اكىمشىلىك راقىمشىلىق 2026 جىلعى 17 ناۋرىز ساعات 24:00-گە دەيىن جاسالعان قۇقىق بۇزۋشىلىقتارعا قاتىستى قولدانىلادى. ونىڭ اياسىندا ازاماتتار، جەكە كاسىپكەرلەر، نوتاريۋستار، ادۆوكاتتار، جەكە سوت ورىنداۋشىلارى ورىندالماعان اكىمشىلىك ايىپپۇلداردى تولەۋدەن بوساتىلادى. باستاما حالىق پەن كاسىپكەرلىك سۋبەكتىلەرىنىڭ قارجىلىق جۇكتەمەسىن ازايتىپ، ولاردىڭ ەكونوميكالىق بەلسەندىلىگىن ارتتىرۋدى كوزدەيدى.
الايدا راقىمشىلىق بارلىق قۇقىق بۇزۋشىلىقتارعا بىردەي تارالمايدى.
جالپى العاندا، اكىمشىلىك راقىمشىلىق اكىمشىلىك قۇقىق بۇزۋشىلىق تۋرالى كودەكستىڭ 263 بابىن قامتيدى. بۇل باپتار 15 مەملەكەتتىك ورگاننىڭ قۇزىرەتىنە جاتادى.
