قازاقستان رەسپۋبليكاسى توتەنشە جاعدايلار مينيسترلىگىنىڭ 30 جىلدىعىنا وراي ەلىمىزدىڭ بارلىق وڭىرلەرىندە «30 يگى ءىس» قايىرىمدىلىق اكتسياسى كەڭ كولەمدە جۇزەگە اسىرىلۋدا. وسى باستامانىڭ ماڭىزدى ءارى ىزگى كەزەڭدەرىنىڭ ءبىرى – تجم قۇتقارۋشىلارى مەن اسكەري قىزمەتشىلەرىنىڭ قاتىسۋىمەن وتكەن ەرىكتى قان تاپسىرۋ اكتسياسى بولدى.
الماتى تجد قىزمەتكەرلەرى ء«بىر تامشى قان — ءبىر ءومىر» قايىرىمدىلىق اكتسياسىنا قاتىستى. «قامقور» قوعامدىق قورىمەن بىرلەسىپ ۇيىمداستىرىلعان اكتسيا بارىسىندا 50 قىزمەتكەر ءوز ەركىمەن قان تاپسىردى. ءومىردى قۇتقارۋ — تجم قىزمەتكەرلەرى ءۇشىن ابىرويلى مىندەت، ال بۇگىن ولار بۇل يگى ءىستى قىزمەتتەن تىس ۋاقىتتا، جۇرەك قالاۋىمەن اتقاردى.
باتىس قازاقستان وبلىسى تجد قىزمەتكەرلەرى كاسىبي جانە ازاماتتىق بورىشتارىن اتقارىپ، قان تاپسىرۋ ارقىلى ءبىر تامشى قاننىڭ ءوزى مىڭداعان ادامنىڭ ءومىرىن ساقتاپ قالۋعا مۇمكىندىك بەرەتىنىن كورسەتتى. دونور بولۋ – تەك مەيىرىمدىلىك ارەكەتى عانا ەمەس، سونداي-اق جوعارى دەڭگەيدەگى الەۋمەتتىك جاۋاپكەرشىلىك.
ال قىزىلوردا وبلىسى تجد قۇتقارۋشىلارى «دونور بول، ءومىر سىيلا!» اتتى اكتسيا ۇيىمداستىرىپ، قان قورىن تولىقتىرۋ ارقىلى مۇقتاج جاندارعا كومەك كورسەتۋگە ۇلەس قوستى. ءىس-شارا قاتىسۋشىلارى قانت دەڭگەيىن، گەموگلوبين كورسەتكىشىن انىقتاۋ جانە اۋرۋلاردىڭ بار-جوعىن تەكسەرۋ سياقتى تولىقتاي مەديتسينالىق تەكسەرۋدەن ءوتتى. وسىدان كەيىن عانا الەۋەتتى دونورلار قان تاپسىرۋعا جىبەرىلدى.
ەسەت باتىر كوكىۇلى اتىنداعى 20982 اسكەري ءبولىمىنىڭ اسكەري قىزمەتشىلەرى دە بۇل يگى ىسكە بەلسەندى اتسالىستى. ولار ءوز ەرىكتەرىمەن دونور اتانىپ، قوعامعا ناقتى ۇلگى كورسەتتى. ولاردىڭ ايتۋىنشا، قان تاپسىرۋ – ءاربىر ازاماتتىڭ ءوز حالقى الدىنداعى جاۋاپكەرشىلىگىن بىلدىرەتىن ماڭىزدى قادام.
قازاقستان رەسپۋبليكاسى توتەنشە جاعدايلار مينيسترلىگى اتالمىش اكتسياعا اتسالىسقان بارلىق قىزمەتكەرلەرگە جانە قاتىسۋشىلارعا ريزاشىلىعىن بىلدىرەدى. دونورلىق – بۇل ءومىردى قۇتقارۋدىڭ جولى، ال وعان بارعان ءاربىر جان – ءبىزدىڭ قوعامنىڭ ادامگەرشىلىككە نەگىزدەلگەن، ءبىرتۇتاس بولۋىنا ۇلكەن ۇلەس قوسۋشى.
