تەرگەۋ يزولياتورىندا ءولى تابىلعان گەنەرال-مايور جايلاۋبەك حالىقۇلىنىڭ ولەر الدىندا جازعان حاتى جاريالاندى، دەپ جازادى "ادىرنا" ۇلتتىق پورتالى. بۇل تۋرالى جۋرناليست ميحايل كوزاچكوۆ ءوزىنىڭ تەلەگرام ارناسىندا حابارلادى.
حاتتا مارقۇم گەنەرال-مايور ءوزىنىڭ ولىمىنە انتيكوردىڭ تەرگەۋشىسى تولەگەن ەربول مەن وزىنە ارىز جازعان رۋسلان قۇسايىنوۆتى كىنالاعان.
"مەنىڭ ولىمىمە قاتىستى شارا قولدانۋ ءۇشىن ءوتىنىش جازىپ وتىرمىن، قىلمىستىق ءىس قوزعاۋىڭىزدى سۇرايمىن. مەنى ولىمگە يتەرمەلەۋگە سەبەپ بولعان قۇسايىنوۆ رۋسلان. قازىرگى ۋاقىتتا ۇستاۋ يزولياتورىندا وتىر، 6 جىل باس بوستاندىعىنان ايىرىلعان. ماعان وتىرىك جالا جاپتى، كولىكتى جانە 40 000 اقش دوللارىن مەنى الداپ كونفيسكاتسياعا كەتەدى دەپ بەرىپ كەتتى، ۋاقىتشا بولا تۇرسىن دەپ. ەكىنشىدەن تىكەلەي ولىمگە يتەرمەلەگەن انتيكور قىزمەتكەرى تەرگەۋشى قىلمىستىق ءىستى بۇرمالاۋ جولمەن ەكەۋى سىبايلاس بولىپ جۇمىس جاسادى. تەرگەۋشى ە.تولەگەن بولىپ تانىلدى، بۇل تەرگەۋشى قۇسايىنوۆ رۋسلان جازعان ارىزدا 2 تەرگەۋشى انتيكوردان پارا الدى، بىرەۋى 15 000 اقش دوللارىن، ەكىنشىسى 15 000 000 تەڭگە الدى دەپ جازعان" ، - دەلىنگەن حاتتا.
"ادىرنا" ۇلتتىق پورتالى
