قازاقستاننىڭ اۆياتسيالىق اكىمشىلىگى ەل اۋماعىنداعى بىرقاتار اۋەجاي ماڭىنداعى قوقىس پوليگوندارى اۋە قاۋىپسىزدىگىنە قاۋىپ ءتوندىرىپ وتىرعانىن مالىمدەدى، دەپ حابارلايدى "ادىرنا" ۇلتتىق پورتالى قازاقپاراتقا سىلتەپ.
اكىمشىلىكتىڭ باس اتقارۋشى ديرەكتورى مايكل دەنيەل ايتۋىنشا، اتىراۋ، سەمەي، وسكەمەن، كوكشەتاۋ، بالقاش جانە ءۇرجار اۋەجايلارىنىڭ ماڭىندا ورنالاسقان پوليگوندار قۇستاردىڭ شوعىرلانۋىنا سەبەپ بولىپ، ۇشاقتارمەن سوقتىعىسۋ قاۋپىن ارتتىرادى.
"2025 جىلى قۇستاردىڭ ۇشاقتارمەن سوقتىعىسۋىنىڭ 280 دەرەگى تىركەلدى. ال بيىلعى جىلدىڭ ءبىرىنشى توقسانىندا مۇنداي 33 جاعداي انىقتالدى", – دەدى مايكل دەنيەل ۇكىمەت وتىرىسىندا.
سونىمەن قاتار ول اۋەجايلار ماڭىنداعى اۋماقتاردى ماقساتسىز پايدالانۋ مەن ءتۇرلى كەدەرگىلەردىڭ كوبەيۋى ماسەلەسىنە توقتالدى.
مالىمەتكە سايكەس، الماتى اۋەجايىنىڭ اەرودروم ايماعىندا شامامەن 160 كەدەرگى، ال شىمكەنت اۋەجايى ماڭىندا 150-دەن استام كەدەرگى انىقتالعان.
"جەرگىلىكتى اكىمدىكتەرگە ۇسىنىلدى. الايدا كوپ جاعدايدا بۇل سحەمالار ەلدى مەكەندەردىڭ باس جوسپارلارىنا ەنگىزىلمەي وتىر. سوندىقتان جەرگىلىكتى اتقارۋشى ورگاندارمەن ءوزارا ءىس-قيمىلدى كۇشەيتۋ قاجەت", – دەدى ول.
