Qazaqstannyŋ aviasiialyq äkımşılıgı el aumaǧyndaǧy bırqatar äuejai maŋyndaǧy qoqys poligondary äue qauıpsızdıgıne qauıp töndırıp otyrǧanyn mälımdedı, dep habarlaidy "Adyrna" ūlttyq portaly QazAqparatqa sıltep.
Äkımşılıktıŋ bas atqaruşy direktory Maikl Deniel aituynşa, Atyrau, Semei, Öskemen, Kökşetau, Balqaş jäne Ürjar äuejailarynyŋ maŋynda ornalasqan poligondar qūstardyŋ şoǧyrlanuyna sebep bolyp, ūşaqtarmen soqtyǧysu qaupın arttyrady.
"2025 jyly qūstardyŋ ūşaqtarmen soqtyǧysuynyŋ 280 deregı tırkeldı. Al biylǧy jyldyŋ bırınşı toqsanynda mūndai 33 jaǧdai anyqtaldy", – dedı Maikl Deniel Ükımet otyrysynda.
Sonymen qatar ol äuejailar maŋyndaǧy aumaqtardy maqsatsyz paidalanu men türlı kedergılerdıŋ köbeiuı mäselesıne toqtaldy.
Mälımetke säikes, Almaty äuejaiynyŋ aerodrom aimaǧynda şamamen 160 kedergı, al Şymkent äuejaiy maŋynda 150-den astam kedergı anyqtalǧan.
"Jergılıktı äkımdıkterge ūsynyldy. Alaida köp jaǧdaida būl shemalar eldı mekenderdıŋ bas josparlaryna engızılmei otyr. Sondyqtan jergılıktı atqaruşy organdarmen özara ıs-qimyldy küşeitu qajet", – dedı ol.
