الپ ەر تۋنگا ەرسوي "الماتى حالىقارالىق اۋەجايى" اق پرەزيدەنتى بولىپ تاعايىندالدى. بۇل تۋرالى قازاقستان قور بيرجاسىنىڭ (KASE) سايتىندا جاريالاندى، - دەپ حابارلايدى "ادىرنا" ۇلتتىق پورتالى.
"ديرەكتورلار كەڭەسىنىڭ 2021 جىلعى 14 قىركۇيەكتەگى شەشىمى بويىنشا اتقارۋشى ورگان قۇرامىنا مىناداي وزگەرىستەر ەنگىزىلگەن:
- ەركال كادري مەتە - پرەزيدەنت لاۋازىمىنان الىندى;
الپ ەر تۋنگا ەرسوي پرەزيدەنت بولىپ تاعايىندالدى، - دەلىنگەن باسىلىمدا.
اشىق دەرەككوزدەردەن الىنعان مالىمەتكە سايكەس، الپ ەر تۋنگا ەرسوي TAV Kazakhstan-دا 2021 جىلدىڭ شىلدەسىنەن باستاپ جۇمىس ىستەيدى. بۇعان دەيىن ول TAV Urban Georgia (گرۋزيا) كومپانياسىندا جوعارى لاۋازىمدى قىزمەت اتقارعان. 12 جىل TAV ماكەدونيادا جۇمىس ىستەگەن.
ەستەرىڭىزگە سالا كەتەيىك، ەركال كادري مەتە 2021 جىلدىڭ مامىرىندا الماتى حالىقارالىق اۋەجايىنىڭ پرەزيدەنتى - باس ديرەكتورى بولىپ تاعايىندالعان ەدى.
"ادىرنا" ۇلتتىق پورتالى
