ىشكى ىستەر مينيسترلىگى جازعى دەمالىس قارساڭىندا وقۋشىلار مەن ستۋدەنتتەرگە ارنايى ۇندەۋ جاساپ، ينتەرنەتتەگى كۇماندى جۇمىس ۇسىنىستارىنان ساق بولۋعا شاقىردى، دەپ حابارلايدى «ادىرنا» ءتىلشىسى.
ءىىم ەسىرتكى قىلمىسىنا قارسى ءىس-قيمىل كوميتەتى توراعاسىنىڭ ورىنباسارى قۋاندىق ءالجانوۆالەۋمەتتىك جەلىلەر مەن ءتۇرلى ونلاين پلاتفورمالاردا «جەڭىل ءارى تەز تابىس» ۇسىناتىن جارنامالاردىڭ كوبەيەتىنىن اتاپ ءوتتى. ايتۋىنشا، مۇنداي ۇسىنىستاردىڭ ارتىندا ەسىرتكى تاسىمالداۋ، تاراتۋ نەمەسە جارنامالاۋ سەكىلدى زاڭسىز ارەكەتتەر تۇرۋى مۇمكىن.
«بۇل – جاي عانا قاۋىپ ەمەس، بۇل قىلمىس. ىشكى ىستەر مينيسترلىگى ەسكەرتەدى: ەسىرتكىگە قاتىستى قىلمىستار ءۇشىن قىلمىستىق جاۋاپكەرشىلىك 16 جاستان باستالادى. ەڭ قاتاڭ جازا ءومىر بويىنا باس بوستاندىعىنان ايىرۋعا دەيىن. ءبىر عانا "جەڭىل تابىس" بۇكىل ومىرىڭىزگە بالتا شابۋى مۇمكىن. ەگەر سىزگە كۇماندى جۇمىس ۇسىنىلسا، بىردەن باس تارتىڭىز. جىلدام تابىس يلليۋزياسى ءۇشىن باسىڭىزدى قاتەرگە تىكپەڭىز. سانالى تاڭداۋ جاساعانىڭىز ابزال. ەركىندىك اقشادان قىمبات. ال بولاشاق ۋاقىتشا پايدادان ماڭىزدى»، - دەدى ول.
ەسكەرتۋ جانە الدىن الۋ: استانادا جاستار اراسىنداعى ەسىرتكى قىلمىسىنا قارسى كۇرەس شارالارى تالقىلاندى
