شارىن شاتقالىندا وقۋشىنى قۇتقارماق بولعان الماتىداعى №199 گيمنازيانىڭ 26 جاستاعى مۇعالىمى مەرەي يبراگيموۆ قايتىس بولدى، دەپ حابارلايدى "ادىرنا" ۇلتتىق پورتالى.
الماتى قالالىق ءبىلىم باسقارماسى قايتىس بولعان مۇعالىم مەرەي يبراگيموۆتىڭ ونەر پانىنەن ساباق بەرگەنىن حابارلادى. ونىڭ جالپى پەداگوگيكالىق ءوتىلى - 5 جىل. ول №199 مەكتەپتە 3 جىل جۇمىس ىستەدى.
وتە جاۋاپتى مۇعالىم، بارلىق وقۋشىلاردىڭ سۇيىكتى ۇستازى بولدى.
«ءوز ءىسىنىڭ شەبەرى، بىرنەشە تۇلەك شىعارعان، ەرەكشە جارقىن تۇلعا، ومىردە كوشباسشى، ماقساتتى، ارقاشان دا جايدارى، ءوز ورتاسىنىڭ سىيلى ادامى بولاتىن»، - دەپ اتاپ ءوتتى ءبىلىم ءبولىمى.
كۋاگەرلەردىڭ ايتۋىنشا، قايعىلى وقيعا كەزىندە مەرەي يبراگيموۆ بالالاردى قۇتقارىپ قالعان، دەدى دەپارتامەنت.
"ادىرنا" ۇلتتىق پورتالى
