ىشكى ىستەر مينيسترلىگى كريمينالدىق پوليتسيا دەپارتامەنتى پاۆلودار وبلىسى پوليتسيا دەپارتامەنتىمەن بىرلەسە وتىرىپ بەس ادامنان تۇراتىن ايماقارالىق قىلمىستىق توپتى ۇستادى. بۇل تۋرالى ۆەدومستۆو ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
ۆەدومستۆو ءباسپاسوز قىزمەتىنىنىڭ مالىمەتىنشە، كۇدىكتىلەر سەمەيدە ۇرلانعان 40 باس جىلقىنى ايداپ بارا جاتقان كەزدە ۇستالعان.
قىلمىستىق توپ شىعىس قازاقستان، پاۆلودار جانە قاراعاندى وبلىستارىندا التى رەت مال ۇرلاعان.
"ولار بارلىعى 167 باس مال ۇرلاعان. ءتىنتۋ بارىسىندا كۇدىكتىلەردەن تاعى 67 باس جىلقى، كولىك پەن ەكى موتوتسيكل انىقتاودى. قىلمىستىق توپ قاتىسۋشىلارى مىندەتى بويىنشا بولىنگەن", – دەدى ىشكى ىستەر مينيسترلىگىنىڭ ءباسپاسوز قىزمەتىندەگىلەر.
ۇرلانعان مال ارنايى مال سوياتىن ورىنعا اپارىلعان. ال ەتىن تانىستارى ارقىلى ساتقان.
"ۇيىمداسقان توپقا قاتىستى قىلمىستىق كودەكستىڭ 262-بابى "ۇيىمداسقان توپ، قىلمىستىق ۇيىم قۇرۋ جانە ولارعا باسشىلىق ەتۋ، سول سياقتى ولارعا قاتىسۋ" بويىنشا ءىس قوزعالعان. اتالعان باپقا سايكەس مۇلكىن تاركىلەي وتىرىپ 12 جىلعا باس بوستاندىعىنان ايىرۋ جازاسى تاعايىندالادى", – دەپ قوستى ءباسپاسوز قىزمەتى.
“ادىرنا” ۇلتتىق پورتالى
