وزبەكستان پرەزيدەنتى شاۆكات ميرزيوەۆ تە ماسكەۋدە وتەتىن جەڭىستىڭ 81 جىلدىعىنا ارنالعان سالتاناتتى ءىس-شارالارعا قاتىسادى. بۇل تۋرالى وزبەكستان پرەزيدەنتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا”.
رەسمي مالىمەتكە سايكەس، ميرزيوەۆ رەسەي استاناسىنا جۇمىس ساپارىمەن اتتانعان. ساپار بارىسىندا ول ەكىنشى دۇنيەجۇزىلىك سوعىستاعى جەڭىس كۇنىنە ارنالعان بىرقاتار رەسمي شارالارعا قاتىسپاق.
ايتا كەتەيىك، بۇعان دەيىن كرەمل جاريالاعان قىزىل الاڭداعى اسكەري پارادقا شاقىرىلعان شەتەلدىك كوشباسشىلار تىزىمىندە ورتالىق ازيا باسشىلارىنىڭ بىردە-ءبىرىنىڭ ەسىمى بولماعان ەدى. سوعان قاراماستان، وزبەكستان تاراپى پرەزيدەنتتىڭ ماسكەۋگە باراتىنىن رەسمي تۇردە راستادى.
قازىرگى ۋاقىتتا ميرزيوەۆتىڭ ساپارى اياسىندا رەسەي باسشىلىعىمەن جەكە كەزدەسۋلەر وتەتىنى نەمەسە قانداي دا ءبىر ەكىجاقتى كەلىسسوزدەر جوسپارلانعانى جونىندە ناقتى اقپارات جاريالانعان جوق.
بۇعان دەيىن قازاقستان پرەزيدەنتى قاسىم-جومارت توقاەۆتىڭ تا ماسكەۋدەگى مەرەكەلىك ءىس-شارالارعا قاتىساتىنى بەلگىلى بولعان ەدى. كرەمل بۇل ساپارلاردى «دوستىق قادام» رەتىندە باعالاپ وتىر.
