اقتوبە وبلىسىندا كەنقياق اۋىلدىق وكرۋگىنىڭ بۇرىنعى اكىمى قۋانىشبەك سەرىكجانوۆ ءولى كۇيىندە تابىلدى. اقپاراتتى وبلىستىق اكىمدىك راستادى، دەپ حابارلايدى «ادىرنا» ءتىلشىسى.
مارقۇم 4 مامىردا قۋانىشبەك سەرىكجانوۆ قىزمەتتەن بوساتۋ تۋرالى ءوتىنىش جازعان، ال 5 مامىر كۇنى ونى قىزمەتىنەن بوساتۋ جونىندەگى بۇيرىققا قول قويىلعان. 6 مامىر كۇنى تاڭەرتەڭ سەرىكجانوۆ كەنقياق اۋىلىنداعى ءوز ۇيىندە ءولى كۇيىندە تابىلعان.
اقتوبە وبلىستىق پوليتسيا دەپارتامەنتى 1983 جىلى تۋعان ەر ادامنىڭ قازا تابۋ فاكتىسى بويىنشا سوتقا دەيىنگى تەرگەپ-تەكسەرۋ باستالعانىن حابارلادى.
«تەرگەۋ اياسىندا بولعان وقيعانىڭ بارلىق ءمان-جايى انىقتالادى. تەرگەۋ مۇددەسىنە بايلانىستى وزگە اقپارات جاريا ەتىلمەيدى»، – دەپ مالىمدەدى پد ءباسپاسوز قىزەتى.
بەلگىلى بولعانداي، قۋانىشبەك سەرىكجانوۆ مەملەكەتتىك قىزمەتتە 2013 جىلدان بەرى جۇمىس ىستەگەن، ال اۋىلدىق وكرۋگ اكىمى قىزمەتىن 2023 جىلدان بەرى اتقارعان.
ەسكە سالايىق، بۇعان دەيىن اقتوبە وبلىسىنىڭ تەمىر قالاسىنىڭ اكىمى دە ءولى كۇيىندە تابىلعان ەدى.
