الماتى وبلىسىنداعى رايىمبەك اۋىلدىق وكرۋگىنىڭ تۇرعىندارى زيرات اۋماعىنداعى قۇرىلىسقا نارازىلىق اكتسياسىن وتكىزدى، دەپ حابارلايدى "ادىرنا" ۇلتتىق پورتالى دەرەككوزگە سىلتەپ. بۇل تۋرالى استانا تەلەارناسىندا ايتىلدى.
ادامداردىڭ ايتۋىنشا، زيرات جانىنداعى جەردىڭ يەسى پايدا بولعان. ول وندا تۇرعىن ۇيلەر سالۋدى كوزدەپ وتىر.
«ولار ءۇي سالۋدى باستايدى. ال مۇنداي زيراتتىڭ اينالاسىندا مەيلى بۇل قوعامدىق ورىن بولسا دا، سانيتارلىق ايماق بولۋى كەرەك. ءار جاعىندا ادام اياعى باسپايتىن 300 مەتر بولۋى كەرەك. بۇل ۋچاسكەلەر قالاي ساتىلماق؟» - دەدى جاڭاتۇرمىس اۋىلىنىڭ اقساقالى حاليد حاسانوۆ.
جاڭا قوجايىن زيراتقا جاقىن نىساندى سالۋعا نيەتتى. ول قازىردىڭ وزىندە زيراتتاردى قازۋدى باستاپ كەتكەن. جاقىن اۋىلدار تۇرعىندارىنىڭ نارازىلىعىن تۋعىزعان كەزدە، ەگەر ادامدار ونىڭ جۇمىسىنا كەدەرگى جاساسا، قۇرىلىسشى ءتىپتى قابىرلەردى قازامىن دەپ قورقىتتى.
«بۇل ءوزىن-ءوزى قۇردىمعا جىبەرۋدەن باسقا ەشتەڭە ەمەس. بۇل جەر كەڭەس داۋىرىندە زيراتقا بولىنگەن. تەرريتوريا قورشالعان. ال ولار كەلىپ قازۋدى باستادى. جانە ولار مۇنى تۇندە، بارلىق ادامدار ۇيىقتاپ جاتقاندا جاسايدى. ادامدار ولاردان نە ىستەپ جاتقاندارىن سۇراپ باستادى ال ولار: "بۇل ءسىزدىڭ شارۋاڭىز ەمەس، كەرەك بولسا مولالاردى بۋلدوزەرمەن قيراتامىز", دەيدى. ءوزىن وسىنشالىقتى دورەكى ۇستاۋعا بولا ما ەكەن؟ - دەيدى جەرگىلىكتى تۇرعىن عالىمجان سىرلىباەۆ اشۋلى كۇيدە.
بەلگىلى بولعانداي، زيرات اۋماعى نەسيەگە كەپىل رەتىندە اۋكتسيوندا ساتىلعان. بىراق بۇل جەردى ساتۋ زاڭسىز، دەيدى اۋىل تۇرعىندارى.
جاڭاتۋرمىس اۋىلىنىڭ تۇرعىنى سادىق مايدەنوۆ: «ءبىز قازىر مۇردەلەردى پەشكە جاعامىز با، الدە نە؟ شەنەۋنىكتەر تەك اقشانى عانا ويلايدى. ولار زاڭنان دا، اللادان دا قورىقپايدى» دەيدى.
وقيعا ورنىنا كەلگەن شەنەۋنىكتەر جەردىڭ قالاي كەپىلگە قويىلعانىن جانە قازىر كىمگە تيەسىلى ەكەنىنە جاۋاپ بەرە المادى. ولار ماسەلەنى شەشۋگە ۋادە بەردى.
«ەندى ءبىز تۇرعىنداردىڭ وتىنىشتەرىن قابىلدايمىز، ولاردى كاداستر بولىمىنە جانە جەر كوميتەتىنە جىبەرەمىز. ال بىزگە ولاردىڭ جەر ۋچاسكەسى نەمەسە قابىرىنىڭ شەكاراسى ورنالاسقان جەر تەلىمىن ءتۇسىرۋ تاپسىرىلادى»، - دەدى رايىمبەك اۋىلدىق وكرۋگىنىڭ اكىمى ەلجان تولەنباەۆ.
شەنەۋنىكتەردىڭ ايتۋىنشا، كوميسسيا ءبىر اپتا ىشىندە قۇرىلادى. جەرگىلىكتى تۇرعىنداردان جاعدايدى ۋشىقتىرماۋدى سۇرادى. اۋىل تۇرعىندارى ءتىپتى قايتقان تۋىستارىنىڭ جان تىنىشتىعى بۇزىلماۋى ءۇشىن بۋلدوزەرلەردىڭ استىندا جاتۋعا دايىن ەكەندىكتەرىن ايتتى.
"ادىرنا" ۇلتتىق پورتالى
