Aqtöbe oblysynda Kenqiiaq auyldyq okrugınıŋ būrynǧy äkımı Quanyşbek Serıkjanov ölı küiınde tabyldy. Aqparatty oblystyq äkımdık rastady, dep habarlaidy «Adyrna» tılşısı.
Marqūm 4 mamyrda Quanyşbek Serıkjanov qyzmetten bosatu turaly ötınış jazǧan, al 5 mamyr künı ony qyzmetınen bosatu jönındegı būiryqqa qol qoiylǧan. 6 mamyr künı taŋerteŋ Serıkjanov Kenqiiaq auylyndaǧy öz üiınde ölı küiınde tabylǧan.
Aqtöbe oblystyq polisiia departamentı 1983 jyly tuǧan er adamnyŋ qaza tabu faktısı boiynşa sotqa deiıngı tergep-tekseru bastalǧanyn habarlady.
«Tergeu aiasynda bolǧan oqiǧanyŋ barlyq män-jaiy anyqtalady. Tergeu müddesıne bailanysty özge aqparat jariia etılmeidı», – dep mälımdedı PD baspasöz qyzetı.
Belgılı bolǧandai, Quanyşbek Serıkjanov memlekettık qyzmette 2013 jyldan berı jūmys ıstegen, al auyldyq okrug äkımı qyzmetın 2023 jyldan berı atqarǧan.
Eske salaiyq, būǧan deiın Aqtöbe oblysynyŋ Temır qalasynyŋ äkımı de ölı küiınde tabylǧan edı.
