جەتىسۋ گارنيزونىندا دەسانتتىق-شابۋىلداۋشى اسكەرلەردىڭ مەرزىمدى اسكەري قىزمەتشىسى قازا تاپتى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
وقيعا 23 قىركۇيەكتە بولعان.
قورعانىس مينيسترلىگىنىڭ دەسانتتىق-شابۋىلداۋشى اسكەرلەر ءباسپاسوز قىزمەتىنىڭ مالىمەتىنشە، اسكەري دايىندىق ساباقتارى بارىسىندا قارۋمەن جۇمىس ىستەۋ كەزىندەگى قاۋىپسىزدىك شارالارىنىڭ بۇزىلۋى سالدارىنان سارباز وق ءتيىپ، قازا بولعان.
«وقيعا بويىنشا قىلمىستىق ءىس قوزعالدى، تەرگەۋ شارالارى جۇرگىزىلۋدە. ەگەر قىزمەتتىك تۇلعالاردىڭ نەمقۇرايلىلىعى مەن باقىلاۋسىزدىعى دالەلدەنسە، كىنالىلەر ەڭ قاتاڭ جاۋاپكەرشىلىككە تارتىلادى. وقيعا قورعانىس ءمينيسترىنىڭ ەرەكشە باقىلاۋىنا الىندى»، – دەلىنگەن ۆەدومستۆو حابارلاماسىندا.
سونىمەن قاتار، قارۋلى كۇشتەردىڭ باسشىلىعى قازا تاپقان ساربازدىڭ تۋىستارى مەن جاقىندارىنا شىن جۇرەكتەن كوڭىل ايتىپ، ولارعا بارلىق قاجەتتى كومەك كورسەتىلەتىنىن ءمالىم ەتتى.
