23 ءساۋىر – كىتاپحاناشىلار مەن ۇلتتىق كىتاپ كۇنىنە وراي ۇلىتاۋ وبلىستىق امبەباپ كىتاپحاناسىنىڭ ءماجىلىس زالىندا «كىتاپحاناشى – مەرەيلى ماماندىق» اتتى مەرەكەلىك كەش ءوتتى.
ءىس-شارا اياسىندا كىتاپ اپتالىعى بارىسىندا ۇيىمداستىرىلعان «وقى، ءوس، وزگەر»، «سيرەك كىتاپتار – ۇلت قازىناسى»، ء«داريدايلاپ جىر توككەن» (مۇقانبەتقالي سەيىتقازينوۆتىڭ 70 جىلدىعىنا ارنالعان), «ونەردىڭ ورەلى جولى» (سەرىك وسپان شىعارماشىلىعىنا ارنالعان), «تۇعىرى بيىك تۇلعا» (سۇتەمگەن بۇكىروۆتىڭ 105 جىلدىعىنا ارنالعان) كىتاپ كورمەلەرى، سونداي-اق ء«ار كىتاپ – ءبىر جاڭا مۇمكىندىك» فوتوزوناسى كوپشىلىك نازارىنا ۇسىنىلدى.
كەش قازاقستان رەسپۋبليكاسىنىڭ ۇلتتىق كىتاپحاناسىنىڭ ديرەكتورى عازيزا قۇدايبەرگەننىڭ «كىتاپحاناشى كۇندەلىگى» كىتابى نەگىزىندە دايىندالعان كوركەم كومپوزيتسيالىق قويىلىممەن اشىلىپ، كىتاپتىڭ قۇندىلىعى مەن كىتاپحاناشى ماماندىعىنىڭ ماڭىزى كەڭىنەن ناسيحاتتالدى.
سالتاناتتى بولىمدە ۇلىتاۋ وبلىسى اكىمىنىڭ ورىنباسارى زينا جۇمانازارقىزى اقىلبەكوۆا قۇتتىقتاۋ ءسوز سويلەپ، سالا ماماندارىنىڭ قوعامداعى رولىنە توقتالدى.
مەرەكە اياسىندا كىتاپحانا قىزمەتكەرلەرىن ماراپاتتاۋ ءراسىمى ءوتتى. قازاقستان كىتاپحانالار وداعىنىڭ «قازاقستاننىڭ قۇرمەتتى كىتاپحاناشىسى» توسبەلگىسى ۇلىتاۋ وبلىستىق امبەباپ كىتاپحاناسى باسشىسىنىڭ ورىنباسارى ج. تۋكەنوۆاعا تابىستالدى. سونداي-اق سالالىق كاسىپتىك وداقتىڭ توسبەلگىلەرى جاڭاارقا اۋدانى بايدا بي اۋىلىنىڭ كىتاپحاناشىسى س. كەنشيموۆا مەن كىتاپحاناشى ب. شەگەباەۆاعا بەرىلدى.
بۇدان بولەك، بىرقاتار ماماندار قازاقستان رەسپۋبليكاسىنىڭ ۇلتتىق كىتاپحاناسىنىڭ العىس حاتىمەن، ۇلىتاۋ وبلىسىنىڭ قۇرمەت گراموتاسىمەن جانە العىس حاتتارىمەن، سونداي-اق مادەنيەت، تىلدەردى دامىتۋ جانە ارحيۆ ءىسى باسقارماسىنىڭ ماراپاتتارىمەن ناگرادتالدى.
شارا بارىسىندا «كىتاپ كۇنى – كىتاپ سىيلا» چەللەندجى ۇيىمداستىرىلىپ، قاتىسۋشىلار ءبىر-بىرىنە كىتاپ تارتۋ ەتتى. سونىمەن قاتار سالا ارداگەرلەرىنە قۇرمەت كورسەتىلدى.
كەش سوڭى كونتسەرتتىك باعدارلاماعا ۇلاسىپ، تايجان قالماعانبەتوۆ اتىنداعى ۇلىتاۋ وبلىستىق فيلارمونياسىنىڭ ونەرپازدارى مەن وبلىس كىتاپحانالارىنىڭ شىعارماشىلىق ۇجىمدارى كورەرمەنگە ەرەكشە كوڭىل-كۇي سىيلادى.
