استانادا بلوگەرلەر ەربولات ءجانابىلوۆ پەن ەلميرا تولەگەنوۆا ءىسى بويىنشا سوت پروتسەسى جالعاسىپ جاتىر. بۇگىن ايىپتالۋشىلار سوڭعى سوزدەرىن ايتۋى ءتيىس بولعان، الايدا تولەگەنوۆا سوتقا كەلمەدى، دەپ حابارلايدى “ادىرنا”.
ايىپتالۋشىلاردىڭ ادۆوكاتى گاۋحار ايتجانوۆانىڭ ايتۋىنشا، ونىڭ قورعاۋىنداعى ازامات دەنساۋلىعىنا بايلانىستى كەلمەگەن. سۋديا اديلبەك بايماحانوۆ وتىرىس كەزىندە بۇل جاعدايدى راستايتىن قۇجاتتار ۇسىنىلماعانىن ايتتى.
"سوت ايىپتالۋشىعا راستايتىن قۇجاتتاردى ۇسىنۋعا نەمەسە ونلاين بايلانىسپەن قوسىلۋعا ەكى ساعات ۋاقىت بەرەدى. ەگەر قۇجاتتار ۇسىنىلماسا، سوت كەلمەۋ سەبەبىن نەگىزسىز جانە قىلمىستىق ءىستى قاراۋعا كەدەرگى كەلتىرۋ دەپ سانايدى", - دەدى ول.
وسىعان بايلانىستى سۋديا ەكى ساعاتقا ءۇزىلىس جاريالادى.
ايتا كەتسەك، بلوگەرلەرگە قىلمىستىق كودەكستىڭ 214-بابى 2-بولىگى 2-تارماعى "زاڭسىز كاسىپكەرلىك" جانە 218-بابى 2-بولىگى 1-تارماعى "قىلمىستىق جولمەن الىنعان اقشانى جانە (نەمەسە) وزگە مۇلىكتى زاڭداستىرۋ (جىلىستاتۋ)" بويىنشا ايىپ تاعىلعان.
مەملەكەتتىك ايىپتاۋشى ولجاس حايرۋللاەۆ ەكى سوتتالۋشىنى دا تاعىلعان بارلىق باپ بويىنشا كىنالى دەپ تانۋدى جانە مۇلكىن تاركىلەي وتىرىپ، ەڭ تومەنگى قاۋىپسىزدىك مەكەمەسىندە 4 جىلعا باس بوستاندىعىنان ايىرۋ جازاسىن تاعايىنداۋدى سۇرادى.
