قازاقستاننىڭ ەڭبەك ەرى، حالىق جازۋشىسى مۇحتار شاحانوۆتىڭ ءمايىتى تۇركىستان قالاسىنا جەتكىزىلدى، دەپ حابارلايدى "ادىرنا" ۇلتتىق پورتالى.
اۋەجايدا ءوڭىر باسشىسى نۇرالحان كوشەروۆ باستاعان رەسمي وكىلدەر مەن زيالى قاۋىم وكىلدەرى قارسى الدى. قوشتاسۋ راسىمدەرىنەن كەيىن مارقۇمنىڭ دەنەسى تۋعان جەرى وتىرار اۋدانىنا جەتكىزىلدى.
مالىمەتكە سايكەس، اقىننىڭ سوڭعى ساپارى كيەلى ارىستان باب كەسەنەسى ماڭىندا اياقتالماق. مارقۇمنىڭ تۋعان جەرىندە جەرلەۋ راسىمىنە دايىندىق جۇمىستارى جۇرگىزىلۋدە.
"مۇحتار شاحانوۆ اعامىزدىڭ اسىل سۇيەگى بۇگىن كىندىك قانى تامعان شىلىك اۋىلىنداعى قارا شاڭىراقتا تۇنەيدى.
مۇحتار شاحانوۆتىڭ شىعارماشىلىق ءۇيىن اقىننىڭ 75 جىلدىعىنا وراي، 9 جىل بۇرىن مەتسەنات سەرىكجان سەيىتجانوۆ سىي رەتىندە سالدىرعانىن ايتۋ پارىز", - دەپ جازدى ايناش ەسالى.
ۇقساس جاڭالىقتار
