اقتاۋداعى پاتەرلەردىڭ بىرىندە ايەل ءمايىتى ءبىر جىل جاتتى، - دەپ حابارلايدى "ادىرنا" ءتىلشىسى inAktau سايتىنا سىلتەمە جاساپ.
4-ءشى شاعىن اۋداننىڭ 20-شى ۇيىندە پاتەرلەردىڭ بىرىندە ايەل ادامنىڭ ءمايىتى تابىلدى. ول جەردە ءمايىت ءبىر جىل بويى جاتقان.
ايەلدىڭ كوپ كورىنبەي كەتكەنىن جانە پاتەردە شوتتار جينالىپ قالعانىن كورشىسى بايقاعان.
"جەلدى اۋا-رايىندا ءيىس سەزىندىم، بىراق جەرتولەدەن شىققان ءيىس دەپ ويلادىم. سوسىن ول كوۆيد-19 تولقىنى كەزىندە قايتىس بولۋى مۇمكىن دەگەن وي كەلدى. ونىڭ اقتاۋدا تۋىستارى جوق، مەنىڭ بىلۋىمشە، سوندىقتان دا ەشكىم ىزدەپ كەلمەگەن بولۋ كەرەك. وسىنداي جاعدايلاردى باق-تان وقىدىم. ول سوڭعى رەت وتكەن جىلدىڭ ناۋرىز ايىندا پاتەر اقىسىن تولەگەنىن ءبىلدىم. ناتيجەسىندە پوليتسيا قىزمەتكەرلەرى كەلىپ پاتەردى اشتى، ال ول جاتىن بولمەدە توسەكتە جاتىر ەكەن. ءمايىت ءبىر جىلدا ىدىراپ كەتكەن. الەۋمەتتىك جەلى ارقىلى تۋىستارىن تاپتىم، بۇگىن جەرلەۋ ءراسىمى ءوتتى»، - دەدى كورشىسى.
وبلىستىق پوليتسيا دەپارتامەنتى ءمايىتتىڭ تابىلعانى تۋرالى سيگنال اعىمداعى جىلدىڭ 15 ساۋىرىندە تۇسكەنىن حابارلادى.
"زورلىق-زومبىلىقپەن ءولىم بەلگىلەرى جوق ايەلدىڭ ءمايىتى تابىلدى. شاقىرۋ بويىنشا جەدەل-تەرگەۋ توبى شىقتى. سوت-مەديتسينالىق ساراپتاما تاعايىندالدى", - دەپ حابارلادى پد.
"ادىرنا" ۇلتتىق پورتالى
