اقش-تىڭ لۋيزيانا شتاتىنىڭ شرەۆەپورت قالاسىندا اتىس بولىپ، 8 بالا مەرت بولدى، دەپ حابارلايدى «ادىرنا» ءتىلشىسى BBC-گە سىلتەمە جاساپ.
قايعىلى وقيعا 19 ءساۋىر كۇنى تاڭەرتەڭ بولعان. پوليتسيا دەرەگىنشە، سەگىز بالانىڭ جەتەۋى شابۋىل جاساۋشىنىڭ تۋعان بالالارى بولعان.
اتىستان كەيىن جەكە باسى ءالى انىقتالماعان كۇدىكتى كولىكتى ايداپ اكەتىپ، قاشۋعا تىرىسقان. الايدا ول قۋعىن كەزىندە پوليتسەيلەردىڭ قولىنان قازا تاپقان.
تاعى ەكى ادام وق جاراقاتىن العان، ولاردىڭ جاعدايى تۋرالى ازىرگە اقپارات جوق.
ء«بىزدىڭ ويىمىزشا، وقتى ەر ادامنىڭ جالعىز ءوزى اتقان»،- دەدى جەرگىلىكتى پوليتسيا وكىلى كريس بوردەلون.
ول بۇل وقيعانى «وتباسىلىق جانجال» دەپ اتادى.
ۇقساس جاڭالىقتار
