وسىدان 52 جىل بۇرىن تەاتردان سپەكتاكل كورىپ شىققان جاس جىگىت ترولەيبۋسقا مىنەدى. ترولەيبۋستا قازاق تەاتر ونەرىنىڭ كوريفەيى سەركە قوجامقۇلوۆتىڭ جانىنا جايعاسادى.
ۇلى اكتەر بوزبالاعا قاراپ: ء«ما، سەن دە مەن سەكىلدى اكتەر بول»-دەپ باس كيىمىن كيگىزەدى. ارينە، العاشقى دا، تۇسىنبەگەنىمەن كەيىن م.اۋەزوۆ اتىنداعى قازاق دراما تەاترىنىڭ جانىنداعى ەكى جىلدىق تەاتر ستۋدياسىنا «دراما تەاتر جانە كينو اكتەرى» ماماندىعىنا تاپسىرۋعا كەلگەندە، ساحنا مايتالماننىڭ اق باتاسى ەسىنە تۇسەدى. سول اق باتا العان جاس جىگىت، بۇگىندە، قر مادەنيەت قايراتكەرى، ك.بايسەيىتوۆا اتىنداعى قازاق ۇلتتىق ونەر ۋنيۆەرسيتەتىنىڭ دوتسەنتى اتانعان ابدىقادىر قاشقاباەۆ بولاتىن.
تەاتر ستۋدياسىنا قابىلدانعان سايدىڭ تاسىنداي قىز-جىگىتتەردىڭ قاتارىندا بولعان ابدىقادىر، قر حالىق ءارتيسى، رايىمبەك سەيىتمەتوۆ، راۋشان اۋەزباەۆا، احمەتجان قادىروۆ سىندى بىلىكتى پەداگوگتەردەن ءتالىم الىپ، ۇلكەن ونەر جولىنا جول باستى. ستۋديانى ۇزدىك تامامداعانان كەيىن، رەجيسسۋرا بارومەترى، كسرو حالىق ءارتيسى ءازىربايجان ءماديۇلى مامبەتوۆتىڭ تاڭداۋى ءتۇسىپ، م.اۋەزوۆ اتىنداعى قازاق ۇلتتىق دراما تەاترىنا «اكتەر» بولىپ قابىلدانادى.
اۋەزوۆ تەاترى ابدىقادىر قاشقاباەۆتىڭ جۇلدىزىن جاقتى. العاشقى ءرولى ش.ايتماتوۆتىڭ «انا-جەر-انا» تراگەياسىنداعى جايناق. جايناق بەينەسى — سوعىس قاسىرەتىن، ادام تاعدىرىنداعى اۋىر سىناقتى كورسەتەتىن كۇردەلى ءارى اسەرلى وبرازداردىڭ ءبىرى. ول شىعارماداعى قاراپايىم اۋىل جاستارىنىڭ تاعدىرىن جيناقتاپ بەينەلەيدى. جايناقتىڭ بولمىسىنان ادالدىق، مەيىرىم، ەلگە دەگەن سۇيىسپەنشىلىك پەن بولاشاققا دەگەن سەنىم انىق كورىنەدى. جايناق — جاستىق جىگەرى مول، ومىرگە قۇشتار جان. ول بەيبىت كۇننىڭ قادىرىن تۇسىنەتىن، تۋعان جەرىن سۇيەتىن ازامات رەتىندە تانىلادى. اكتەر ءا.قاشقاباەۆ-جايناق بەينەسىن وسىلاي بەينەلەيدى. ابدىقادىر اعايىمىز تەك قانا تراگەديالىق، درامالىق كەيىپكەرلەرىمەن توقتالعان جوق، سونداي-اق، ساحنادا كومەديالىق وبرازداردى دا، جاساپ كورەرمەن ىقىلاسىنا بولەندى.
سوزىمىزگە، س.احمادتتىڭ «كەلىندەر كوتەرىلىسى» كومەدياسىنداعى توقتاسىن دالەل بولا الادى. ابدىقادىر-توقتاسىن — فورمون ءبيبىنىڭ كىشى ۇلى، اناسىنىڭ تاربيەسى مەن وتباسىداعى تارتىپكە تولىق باعىنعان كەيىپكەر. ول شىعارماداعى يۋمور مەن تۇرمىستىق تارتىستى تەرەڭدەتە تۇسەتىن بەينەلەردىڭ ءبىرى. اتالمىش قويىلىمدا كسرو حالىق ءارتيسى، تەاتر اناسى سابيرا مايقانوۆادان باستاپ، نەبىر تەاتر تارلاندارىمەن ساحنالاس بولدى. ساحناداعى سەرىكتەستەرى ياعني، نيگورا رولىندەگى نۇرزادا تاشيموۆا جانە مايرا وماروۆامەن ساحنالىق تاندەمدەرى دە، «كەلىندەر كوتەرىلىسى» كومەدياسىنىڭ ءسانىن كىرگىزدى.
اتالعان سپەكتاكلمەن 20 جىلداي قازاقستاننىڭ تۇكپىر-تۇكپىرىن ارالادى. ابدىقادىر قاشقاباەۆتىڭ ج.ب.مولەردىڭ «اقىماق بولعان باسىم-اي» كومەدياسىنداعى كولەن ءرولى كورەرمەندى كۇلكى ارقىلى تەرەڭ ويعا سالاتىن كەيىپكەر. اكتەر ويىنى ارقىلى قوعامداعى ساتقىن، ەكىجۇزدى ادامداردىڭ بەينەسىن كورە الامىز! ابدىقادىر قاشقاباەۆ بۇگىندە ەڭسەلى ەلوردامىزداعى ونەر ۋنيۆەرسيتەتىندە جاس اكتەرلەرگە ءدارىس بەرىپ ءجۇر. ابدىقادىر اعايىمىزدىڭ قاناتىنان قومدانعان تۇلەكتەرى قازىرگى كەزدە ەلىمىزدەگى تەاترلاردىڭ جەتەكشى اكتەرلەرىنە اينالدى. جوعارى دا، سەركە قوجامقۇلوۆتىڭ ابدىقادىر اعايىمىزعا باس كيىمىڭ كيگىزگەنىن اتاپ وتتىك، سول كەزدەگى جاس جىگىتتىڭ جانارىنداعى وتتى بايقاي العان قازاقتىڭ ۇلى اكتەرىنىڭ دانالىعى عوي بۇل!
باحتيار تۇرسىن
تەاترتانۋشى
