ء«سىزدى سۇيەم…» — شىنايى ماحاببات جايلى حيكايا.
بۇل قويىلىمدا ماحابباتتىڭ ىشكى قايشىلىقتارمەن، كۇردەلى تاڭداۋلارمەن جانە قابىلدانعان شەشىمدەردىڭ سالدارىمەن بەتپە-بەت كەلۋى سۋرەتتەلەدى. الايدا سپەكتاكل تەك جەكە تاعدىر تۋرالى ەمەس. قويىلىم اياسىندا ادام مەن الماتى قالاسىنىڭ اراسىنداعى رۋحاني بايلانىس، مادەني جادى جانە بولمىس تاقىرىپتارى كەڭىنەن كورىنىس تابادى.
سپەكتاكلدىڭ نەگىزگى يدەيالارىنىڭ ءبىرى — الماتىنى رۋحانيات پەن ەستەتيكانىڭ مەكەنى رەتىندە جاڭاشا پايىمداۋ. ءار كەزەڭدە الماتى عالىمدار، سۋرەتكەرلەر، جاڭاشىلدار مەن شىعارماشىلىق زيالى قاۋىم شوعىرلانعان ماڭىزدى مادەني ورتالىق بولدى. بۇل — تالاي دارىن يەلەرى ۇمتىلعان، وزىندىك رۋحى مەن وركەنيەتتىك كەلبەتى بار ەرەكشە شاھار.
قويىلىمنىڭ كوركەمدىك وزەگىندە الماتى سيمۆوليكاسى ەرەكشە ورىن الادى: المالار، الما باقتارىنىڭ جۇپارى جانە قالانىڭ ءتىرى، سەزىمگە تولى بەينەسى. سپەكتاكل وقيعاسى الماتىنىڭ تاريحي ءارى مادەني ماڭىزى زور مەكەندەرىندە ءوربيدى. وسى ارقىلى وتكەن مەن بۇگىننىڭ اراسىندا تەرەڭ رۋحاني بايلانىس جاسالادى.
جوبانىڭ شىعارماشىلىق توبى:
ء«سىزدى سۇيەم…» (مۋزىكالىق دراما)
ينديرا قۇلماعامبەتوۆانىڭ پروديۋسەرلىك جۇمىسى. ال اۆتورى - ق. مۇرات، كومپوزيتور - ءا. وماروۆا. رەجيسسەر: ا. كاكىشەۆا — قر ەڭبەك سىڭىرگەن قايراتكەرى
باستى رولدە ينديرا قۇلماعامبەتوۆا. ينديرا التى جىلدان استام ۋاقىت بويى مۇحتار اۋەزوۆ اتىنداعى قازاق ۇلتتىق دراما تەاترىندا قىزمەت ەتىپ كەلەدى. قازىردە كينو جانە تەاتر كەڭىستىگىندە تانىمال، سۇرانىسقا يە اكتريسالاردىڭ قاتارىندا.
ايتا كەتەيىك، ء«سىزدى سۇيەم…» — ينديرا قۇلماعامبەتوۆانىڭ العاشقى پروديۋسەرلىك جوباسى. بۇل جۇمىس ارقىلى ول الماتىنىڭ تالعامپاز كورەرمەنىنە مازمۇندى، ساپالى ءارى ەستەتيكالىق تۇرعىدان بيىك دەڭگەيدەگى قويىلىم ۇسىنۋدى ماقسات ەتەدى.
پرەمەرا 13 ماۋسىم كۇنى ساعات 20:00-دە Almaty Theatre ساحناسىندا وتەدى.
ء«سىزدى سۇيەم…» — ماحاببات ارقىلى قالانىڭ رۋحىن، تىنىسىن جانە مادەني جادىن سەزىندىرەتىن ەرەكشە ساحنالىق تۋىندى.
اننوتاتسيا:
ء«سىزدى سۇيەم» – ادام جانىنىڭ نازىك ءارى تەرەڭ قايشىلىقتارىن اشاتىن مۋزىكالىق دراما.
پەريزات، باقىتجان، سارا، اسەت جانە قايرات اراسىنداعى كۇردەلى قارىم-قاتىناستار ماحابباتتىڭ ءتۇرلى قىرىن — شىنايى سەزىم مەن جالعان بايلانىس، تاۋەلدىلىك پەن جالعىزدىقتى كورسەتەدى. ارقايسىسى ءوز تاڭداۋىنىڭ الدىندا قالىپ، ونىڭ سالدارىن باستان كەشىرەدى.
سپەكتاكلدە ماحاببات پەن ساتقىندىق، تاۋەلدىلىك پەن ەركىندىك، قورقىنىش پەن ءۇمىت قاتار ءورىلىپ، ماحابباتتىڭ تەك سەزىم ەمەس، جاۋاپكەرشىلىك پەن اۋىر تاڭداۋ ەكەنىن كورسەتەدى.
كەيبىر تاڭداۋلاردىڭ سوڭى قايعىمەن اياقتالۋى مۇمكىن… الايدا تاڭداۋدىڭ زاردابى بارىنە بىردەي تيمەيدى.
ورىنداۋشىلار مەن كەيىپكەرلەر:
قۇلماعامبەتوۆا ينديرا — پەريزات
قاسىم دەمەۋ — باقىتجان
قونىسبەكوۆ قۋانىش — قايرات
قايراتقىزى ايگەرىم — سارا
مامەتەكوۆ ەلشات — اسەت
