اقش پرەزيدەنتى دونالد ترامپ يرانمەن كەلىسسوز جۇرگىزگىسى كەلمەيتىنىن ايتتى، دەپ حابارلايدى «ادىرنا» ءتىلشىسى.
«يرانمەن جاسالاتىن كەلىسىمگە كەلسەك، مەن ءۇشىن بۇل ماسەلە جابىلدى. ولارمەن ەندى ەشقانداي بايلانىسىم بولعانىن قالامايمىن»، – دەدى اق ءۇي باسشىسى 8 شىلدە كۇنى انكارادا وتكەن ناتو-عا مۇشە مەملەكەتتەر باسشىلارىنىڭ 36-ءسامميتىنىڭ نەگىزگى وتىرىسى الدىندا.
امەريكا كوشباسشىسى يرانمەن بۇدان بىلاي كەلىسسوز جۇرگىزۋگە نيەتتى ەمەس ەكەنىن دە اتاپ ءوتتى.
«مەنىڭشە، بۇل ماسەلە اياقتالدى. شىنىن ايتسام، ولارمەن مۇلدە بايلانىس جاساعىم كەلمەيدى. ولار – ايانىشتى، تومەن دەڭگەيدەگى ادامدار. مەنىڭ نە ايتقىم كەلگەنىن ءتۇسىنىپ تۇرسىز عوي؟ بۇل – اۋرۋ ادامدار. ولاردى قاتىگەز، زورلىق-زومبىلىققا بەيىم ادامدار باسقارادى. ەگەر ولاردىڭ قولىندا يادرولىق قارۋ بولسا، ونى مىندەتتى تۇردە قولدانار ەدى. سوندىقتان، مەنىڭ ويىمشا، بۇل ماسەلە تۇبەگەيلى جابىلدى»، – دەدى دونالد ترامپ جۋرناليستەردىڭ سۇراقتارىنا جاۋاپ بەرە وتىرىپ.
سونىمەن قاتار اقش پرەزيدەنتى امەريكالىق كەلىسسوز جۇرگىزۋشىلەرمەن كەزدەسەتىنىن ايتتى.
«مەنىڭشە، ولارمەن جۇمىس ىستەۋ – ۋاقىتتى بوسقا جوعالتۋ. ولار وتىرىك ايتادى. ءبىز كەلىسىم جاساي الامىز، ال ەگەر كەلىسىمگە قول قويساق، وندا ول كۇشىندە بولادى»، – دەپ قوستى اق ءۇي باسشىسى.
