وزبەكستان پرەزيدەنتى اقش پرەزيدەنتىمەن تەلەفون ارقىلى سويلەستى، دەپ حابارلايدى “ادىرنا” ۇلتتىق پورتالى caliber.az-عا سىلتەپ.
بۇل تۋرالى وزبەكستان پرەزيدەنتىنىڭ ءباسپاسوز قىزمەتى حابارلادى.
اڭگىمە بارىسىندا ەكى ەل باسشىلارى ستراتەگيالىق ارىپتەستىكتى نىعايتۋ جانە جاڭا سالالاردا ءوزارا ءىس-قيمىلدى كەڭەيتۋ ماسەلەلەرىن تالقىلادى.
پرەزيدەنت دونالد ترامپ وزبەكستاندا جۇرگىزىلىپ جاتقان رەفورمالارعا جوعارى باعا بەردى. ونىڭ ايتۋىنشا، ميرزيوەۆ باستاعان ساياسي-ەكونوميكالىق وزگەرىستەر ەلدىڭ دامۋىنا عانا ەمەس، ورتالىق ازياداعى تۇراقتىلىققا دا ىقپال ەتەدى. سونداي-اق اقش باسشىسى حالىقتىڭ ءال-اۋقاتىن كوتەرۋگە باعىتتالعان قادامداردى قولدايتىنىن جەتكىزدى.
ءوز كەزەگىندە شاۆكات ميرزيوەۆ اقش اكىمشىلىگىنىڭ ىشكى جانە سىرتقى ساياساتتاعى وڭ ناتيجەلەرىن دە اتاپ وتكەن. ول ۆاشينگتوننىڭ حالىقارالىق جانە وڭىرلىك قاقتىعىستاردى بەيبىت جولمەن شەشۋگە قوسىپ وتىرعان ۇلەسىن ەرەكشە باعالادى.
سۇحبات سوڭىندا ميرزيوەۆ دونالد ترامپتى تاشكەنتكە رەسمي ساپارمەن كەلۋگە شاقىردى. بۇل ساپار ەكى ەل اراسىنداعى بايلانىستاردى جاڭا دەڭگەيگە كوتەرەدى دەپ كۇتىلۋدە.
