اقتاۋ قالاسىندا كاسپي تەڭىزىندەگى سۋ دەڭگەيى تومەندەگەن، دەپ حابارلايدى "ادىرنا" ۇلتتىق پورتالى Lada.kz-كە سىلتەپ.
4ا شاعىناۋدانىنداعى «بريز» ياحتا كلۋبى ماڭىندا كاسپي تەڭىزىنىڭ جاعالاۋى ايتارلىقتاي تايىزدانعانى بايقالعان. بۇل تۋرالى قالا تۇرعىندارى ءجيى حابارلاۋدا.
جەرگىلىكتى باق دەرەگىنشە، فوتوسۋرەتتەردە جاعالاۋ سىزىعىنىڭ وزگەرگەنى انىق كورىنەدى. كەيبىر جەرلەردە تەڭىز تابانى اشىلىپ، قارا-قوڭىر ءتۇستى شوگىندىلەر مەن سۋدىڭ شەگىنۋىنەن قالىپتاسقان شاعىن ارالشىقتار بايقالادى.
تۇرعىندار سۋدىڭ ونداعان مەترگە كەيىن شەگىنىپ، تولقىندار جاعالاۋدان الدەقايدا الىس جەردە سوعىلىپ جاتقانىن بايقاعان. كەيبىر قۇرىلىمدار ءتىپتى قۇرلىقتا قالعان.
ماماندار كاسپي تەڭىزىنىڭ دەڭگەيى تابيعي تۇردە اۋىتقىپ تۇراتىنىن ايتقانىمەن، سوڭعى جىلدارى تۇرعىندار ونىڭ تومەندەۋىنە ءجيى الاڭداۋشىلىق بىلدىرۋدە.
ايتا كەتەيىك، بۇعان دەيىن جىل سايىن 30 سم سۋىن جوعالتاتىن تەڭىز فلورا مەن فاۋناعا عانا ەمەس، ادام ومىرىنە دە اسەرىن حابارلاعانبىز.
