"بايتەرەك" ۇلتتىق ينۆەستيتسيالىق حولدينگى ەۋرووبليگاتسيالار شىعارۋ ارقىلى 500 ميلليون دوللار تارتۋدى جوسپارلاپ وتىر، دەپ حابارلايدى "ادىرنا" ۇلتتىق پورتالى.
قازاقستان قور بيرجاسىنىڭ باسقارماسى 2026 جىلعى 26 ناۋرىزداعى شەشىمىمەن «بايتەرەك» وبليگاتسيالارىن نەگىزگى الاڭداعى «وبليگاتسيالار» كاتەگورياسىنا ەنگىزدى. شەشىم 2 ساۋىردەن باستاپ كۇشىنە ەندى. وبليگاتسيالار دوللارمەن نوميناتسيالانادى. جالپى سانى 500 مىڭ باعالى قاعاز شىعارۋ كوزدەلگەن. بۇل — كلاسسيكالىق كۋپوندىق وبليگاتسيالار، ياعني ينۆەستورلارعا پايىزدار تۇراقتى تۇردە تولەنىپ وتىرادى.
XS3329272481 (BTRKe4) – كولەمى 150 ملرد تەڭگە، اينالىم مەرزىمى 2 ءساۋىر 2026 جىلدان 2 ءساۋىر 2029 جىلعا دەيىن;
XS3329277019 (BTRKe5) – كولەمى 100 ملرد تەڭگە، اينالىم مەرزىمى 2 ءساۋىر 2026 جىلدان 2 ءساۋىر 2031 جىلعا دەيىن.
ەكى قۇرال دا جىلىنا 16,95% مولشەرىندە جارتىجىلدىق كۋپون تولەمىن قاراستىرادى (نەگىزگى بازا 30/360). وسىلايشا، «بايتەرەك» سالىستىرمالى تۇردە جوعارى تابىس دەڭگەيىن بەلگىلەپ وتىر.
ۇكىمەت جالپى سوماسى 1,5 ملرد اقش دوللارىن قۇرايتىن ەۋرووبليگاتسيالاردى شىعارۋدى ءساتتى جۇزەگە اسىردى
