«بايتەرەك» قازاقستاندىق مەملەكەتتىك حولدينگى «بەرەكە» بانكىنىڭ 100% اكتسيالارىن قاتارلىق بانكىنە ساتۋ جونىندەگى مامىلەنى اياقتادى، دەپ حابارلايدى "ادىرنا" ءتىلشىسى.
"بەرەكە" بانكى - رەسەيدىڭ "سبەر" بانكىنىڭ بۇرىنعى ەنشىلەس ۇيىمى.
«كەلىسىمشارتتىڭ بارلىق شارتتارى تاراپتارمەن ءساتتى كەلىسىلدى. مامىلە قازاقستاندىق رەتتەۋشى ورگانداردان بارلىق قاجەتتى رۇقساتتاردى الدى»، - دەلىنگەن حابارلامادا."بايتەرەك" حولدينگىنىڭ ءباسپاسوز قىزمەتى «بەرەكە بانك» الداعى ۋاقىتتا دا كليەنتتەر الدىنداعى بارلىق مىندەتتەمەلەرىن ورىندايتىنىن ايتتى. 2022 جىلدىڭ ناۋرىز ايىندا رەسەيلىك "سبەر" بانكىنىڭ قۇرىلىمدارى، ونىڭ ىشىندە قازاقستاندىق ەنشىلەس ۇيىمى اقش-تىڭ بلوكتاۋ سانكتسيالارىنا ۇشىراعان ەدى. تامىز ايىندا «بايتەرەك» ۇلتتىق باسقارۋشى حولدينگى "سبەردىڭ" ەنشىلەس كومپانياسىن ساتىپ العانى تۋرالى حابارلاعان. ال مامىلە 2 قىركۇيەكتە اياقتالعان. وسىدان كەيىن نەسيە مەكەمەسىنىڭ اتاۋى «بەرەكە بانك» بولىپ وزگەرتىلدى، ال جاڭا يەلەنۋشى OFAC-قا سانكتسيالاردى الىپ تاستاۋ ءۇشىن قۇجاتتارىن تاپسىردى. 2023 جىلدىڭ 8 ناۋرىزىندا OFAC Bereke Bank-ءتى ارنايى تاعايىندالعان ازاماتتار (SDN) جانە سالالىق سانكتسيالار تىزىمىنەن (SSI) الىپ تاستادى. Lesha Bank كاتار قور بيرجاسىندا تىركەلگەن، قارجى ورتالىعىنىڭ رەتتەۋشى ورگانىنىڭ بانكتىك ليتسەنزياسىنا يە. ول كاتار، اقش، ەۋروپا، سونداي-اق تاياۋ شىعىس ايماعىنداعى نارىقتاردا قىزمەتتەردى ۇسىنا وتىرىپ، ينۆەستيتسيالىق بانكينگ جانە اكتيۆتەردى باسقارۋ سالاسىندا جۇمىس ىستەيدى.
ۇقساس جاڭالىقتار
