قازاقستان رەسپۋبليكاسى 2015 جىلدان بەرى العاش رەت اقش دوللارىمەن نوميناتسيالانعان ەۋرووبليگاتسيالار نارىعىنا ءساتتى ورالىپ، 10 جىل مەرزىمگە 1,5 ميلليارد اقش دوللارىن قۇرايتىن شىعارىلىمدى 4,714% كۋپوندىق مولشەرلەcىمەن ورنالاستىردى.
مامىلە جوعارى ينۆەستيتسيالىق رەيتينگى بار مەملەكەتتەرگە عانا قولجەتىمدى ءبىر كۇندىك ۆيرتۋالدى روۋد-شوۋدان كەيىن جۇزەگە اسىرىلدى. ءبىر كۇننىڭ ىشىندە اقش، ۇلىبريتانيا، كونتينەنتالدى ەۋروپا، ازيا جانە تاياۋ شىعىستان 100-دەن استام ينۆەستورلارمەن كەڭەس وتكىزىلدى، بۇل قازاقستان رەسپۋبليكاسىنىڭ جانە ونىڭ ەكونوميكالىق كورسەتكىشتەرىنە حالىقارالىق كاپيتال نارىعىندا سەنىمدى جانە جوعارى دارەجەلى ەميتەنت رەتىندە ينۆەستورلاردىڭ قر-عا دەگەن قىزىعۋشىلىعى مەن سەنىمىنىڭ جوعارى دەڭگەيى تۋرالى.
سونىمەن قاتار، Moody's اگەنتتىگىنىڭ قازاقستاننىڭ ەگەمەندى رەيتينگىن Baa1 دەڭگەيىنە (تۇراقتى بولجام) دەيىن كوتەرۋى ءساتتى ورنالاستىرۋدىڭ ماڭىزدى فاكتورى بولدى.
ورنالاستىرۋدىڭ ۋاقىتىلى بولۋىنىڭ ارقاسىندا قارجى مينيسترلىگى شىعارىلىمنىڭ كولەمى مەن باعاسى بويىنشا وڭتايلى پارامەترلەرگە قول جەتكىزدى. جيناقتالعان تاپسىرىستار كىتابى تۇراقتى ءوسۋدى كورسەتىپ، 6 ميلليارد اقش دوللارىنا جەتتى، بۇل كۋپوندىق مولشەرلەمەنى جانە كىرىستىلىكتى 4,714%دەڭگەيىندە، ال اقش قازىناشىلىق وبليگاتسيالارىنا قاتىستى سپرەدتى 88 بازيستىك پۋنكت دەڭگەيىندە بەلگىلەۋگە مۇمكىندىك بەردى.
مۇنداي سپرەد دامۋشى ەلدەردىڭ 10 جىلدىق ەگەمەندى وبليگاتسيالارى ءۇشىن رەكوردتىق كورسەتكىشتەردىڭ ءبىرى بولىپ تابىلادى. سالىستىرا كەتسەك، 88 بازيستىك پۋنكتتىك پرەميا ساۋد ارابياسى، چيلي جانە پولشاسياقتى "ا" رەيتينگى بار كەيبىر ەلدەردىڭ ەكىنشى دەڭگەيلىك دەڭگەيىنەن تومەن. بۇل حالىقارالىق ينۆەستورلاردىڭ قازاقستاننىڭ ەكونوميكالىق، قارجىلىق جانە الەۋمەتتىك ساياساتىنا دەگەن جوعارى سەنىمىن كورسەتەدى.
بۇل ەۋرووبليگاتسيالار شىعارىلىمى ەلدىڭ قارجىلىق تۇراقتىلىعىن نىعايتىپ، ەكونوميكالىق ءوسىمىن قولدايدى. سونىمەن قاتار، ورنالاستىرۋدىڭ قولايلى شارتتارى قازاقستاننان شىعاتىن كۆازيمەملەكەتتىك جانە كورپوراتيۆتىك ەميتەنتتەر ءۇشىن حالىقارالىق كاپيتال نارىعىنا شىعۋعا بەنچمارك (باعدار) جاسايدى.
ەۋرووبليگاتسيالار لوندون قور بيرجاسىندا جانە «استانا» حالىقارالىق قارجى ورتالىعىنىڭ بيرجاسىندا ورنالاستىرىلدى.
مامىلەنىڭ حالىقارالىق ۇيىمداستىرۋشىلارى، بىرلەسكەن جەتەكشى مەنەدجەرلەرى جانە بۋكراننەرلەرى رەتىندە Citi, JPMorgan, Societe Generale جانە قازاقستاندىق ۇيىمداستىرۋشى رەتىندە «BCC Invest» اق قاتىستى.
