جاڭا كاسىپورىندار ءوڭىر ەكونوميكاسىنا جاڭا سەرپىن بەرۋى ءتيىس. پرەزيدەنت قاسىم-جومارت توقاەۆ وز جولداۋىندا وسى ماسەلەگە باسىمدىق بەرگەنى بەلگىلى، دەپ جازدى «ادىرنا» ءتىلشىسى.
بۇگىندە، الماتى يندۋستريالدى ايماعىندا جەكە ينۆەستيتسياسى 119,8 ملرد تەڭگە بولاتىن 20 جوبا ىسكە اسىرىلدى.
الماتىدا يندۋستريالدى ايماعىنىڭ نىساندارى بويىنشا ءباسپاسوز تۋرى ءوتتى. بۇقارالىق اقپارات قۇرالدارىنىڭ وكىلدەرى Teplostil جشس قاسبەتتىك جىلۋ پانەلىنىڭ ءوندىرىسى بويىنشا زاۋىتىن، «Hyundai Trans Kazakhstan» اۆتوكولىك قۇرالدارىنىڭ ءوندىرىسى بويىنشا زاۋىتىن، «بيجان» ەت وڭدەۋ زاۋىتىن، «المەرەك» مەديتسينالىق بۇيىمدارىنىڭ ءوندىرىسى بويىنشا زاۋىتىن، «Ala Estate» ونەركاسىپتىك پاركىن بارىپ كوردى.
ءباسپاسوز تۋرى Teplostil جشس ءوندىرىسىن بارىپ كورۋدەن باستالدى، ول جىل سايىن 240 000 شارشى مەتر جىلۋى بار قاسبەتتىك جىلۋ پانەلىن، كۇشەيتىلگەن پوليستيرول كوبىكتەن جاسالاتىن ساندىك بۇيىم شىعارادى. جوبانىڭ قۇنى 800 ملن تەڭگەنى قۇرايدى، كاسىپورىندا 30 ادام جۇمىس ىستەيدى.
ەكىنشى نىساندا بۇقارالىق اقپارات قۇرالدارىنىڭ وكىلدەرى Hyundai Trans Kazakhstan اۆتوكولىك قۇرالىنىڭ وندىرىسىمەن تانىستى. كاسىپورىن 2022 جىلى Hyundai Bayon ىقشام قالالىق كروسسوۆەرىنىڭ پيلوتتىق پارتياسىن شىعارۋعا كىرىستى. قازىرگى ۋاقىتتا، زاۋىت شاعىن ءتۇيىن ادىسىمەن شاناعىن دانەكەرلەپ جانە بوياپ، Hyundai اۆتوكولىك قۇرالىنىڭ – Sonata, Elantra, Santa Fe, Palisade, Tucson, Staria, i30, Bayon, سونداي-اق Tucson, Accent سەكىلدى 10 ۇلگىسىن شىعارۋدا. كاسىپورىننىڭ قۋاتتىلىعى جىلىنا 45 مىڭ بىرلىك. زاۋىتتا 800-دەن استام مامان جۇمىس ىستەيدى.
سونداي-اق، تىلشىلەر «بيجان» ەوز» جشس قىزمەتىمەن تانىستى. جىل سايىن ەت وڭدەۋ زاۋىتى يندۋستريالدى ايماقتا 5 مىڭ توننادان استام ءونىم وندىرەدى، شۇجىق ونىمدەرى مەن جارتىلاي دايىن ونىمدەرى اتاۋىنىڭ 100-دەن استام ءتۇرى بار. كاسىپورىندا 250 جۇمىس ورنى قۇرىلعان.
«المەرەك» جشس ءبىر رەت قانا قولدانىلاتىن مەديتسينالىق ماقساتتاعى بۇيىمدارىنىڭ ءوندىرىسى بويىنشا زاۋىتى – ەكسپورتقا باعىتتالعان كاسىپورىن. وتاندىق ءوندىرۋشى ءونىمدى ساتۋدى قازاقستاننىڭ بارلىق وڭىرلەرىندە عانا ەمەس، سونىمەن قاتار، ەۋروازيالىق ەكونوميكالىق وداق ەلدەرىنىڭ نارىعىنا شىعۋدى جوسپارلاپ وتىر. بۇگىندە، كاسىپورىن جىلىنا 28 ملن بىرلىك ءونىم شىعارادى، 50 جۇمىس ورنى قۇرىلدى.
بارىپ كورۋدىڭ تاعى ءبىر نىسانى «Ala Estate» ونەركاسىپتىك پاركى بولدى، وندا بۇگىنگى كۇنى وتاندىق دايىنداۋشىلاردىڭ بولمەارالىق ەسىكتەرىنىڭ وندىرىستەرى («LePorte M» جشس جانە «ابسوليۋت فلور» جشس) جانە «Qulpinay» جشس كونديتەرلىك كومپانياسى ورنالاستىرىلعان. اۋدانى 4,3 مىڭ شارشى مەتردى قۇرايتىن ونەركاسىپتىك پارك شاعىن جانە ورتا بيزنەس سۋبەكتىلەرىنە 1 شارشى مەترى ءۇشىن 1200 تەڭگە مولشەرىندە جەڭىلدەتىلگەن، بەكىتىلگەن جالعا الۋ مولشەرلەمەسى بويىنشا دايىن ينفراقۇرىلىمىمەن دايىن وندىرىستىك ءۇي-جايلار بەرەدى. جوبا 140 جاڭا جۇمىس ورنىن قۇرۋعا مۇمكىندىك بەردى.
بۇگىندە، الماتى يندۋستريالدى ايماعىندا جەكە ينۆەستيتسياسى 119,8 ملرد تەڭگەنى قۇرايتىن 20 جوبا ىسكە اسىرىلدى، 647,5 ملرد تەڭگەگە ءونىم ءوندىرىلدى، 20,7 ملرد تەڭگە سالىق اۋدارىمدارى تولەندى، 2 913 جۇمىس ورنى قۇرىلدى.
2022 جىلى 65 جۇمىس ورنى قۇرىلا وتىرىپ، سوماسى 4,6 ملرد تەڭگەنى قۇرايتىن «كاز-ديا-تەست» جشس زاۋىتى ىسكە قوسىلدى. جىلدىڭ سوڭىنا دەيىن 211 جۇمىس ورنىن قۇرا وتىرىپ، جالپى سوماسى 6,8 ملرد تەڭگەنى قۇرايتىن 5 كاسىپورىندى («VALTHERM»، «City Stone»، «TEPLOSTIL»، «Stroy Production»، «ەلەكتروبار») ىسكە قوسۋ جوسپارلانىپ وتىر. بۇدان باسقا، 2022 جىلى جەكە ينۆەستيتسيانىڭ جالپى سوماسى 1,5 ملرد تەڭگەنى قۇرايتىن، جالپى الاڭى 15 300 شارشى مەتر بولاتىن 4 شاعىن ونەركاسىپتىك پاركتى ىسكە قوسۋ جوسپارلانىپ وتىر.
