Almatynyŋ Bostandyq audanynda biyl injenerlık infraqūrylymdy jaŋǧyrtuǧa baǧyttalǧan auqymdy baǧdarlama qolǧa alyndy. Onyŋ aiasynda 99 şaqyrym sumen jabdyqtaityn jäne su būratyn jelıler salynyp, 154 şaqyrym elektr jelısı jaŋǧyrtylady, jylu men gaz jelısı de qaita jaŋaryp, oqys oqiǧanyŋ aldyn aluǧa baǧyttalǧan bıraz joba ıske asqaly otyr. Öŋırlık kommunikasiialar qyzmetınde Bostandyq audanynyŋ äkımı Azamat Qaldybekov osylai dedı. Onyŋ aituynşa, būl 25 myŋnan astam tūrǧyndy negızgı kommunaldyq qyzmetpen qamtamasyz etıp, jüienıŋ senımdı bola tüsuıne sep bolady.
Azamat Qaldybekovtıŋ aituynşa, jyl soŋyna deiın Nūrlytau şaǧyn audanynda täulıgıne 9 000 tekşe metr su öndıretın su tartu nysany men sorǧy stansiiasynyŋ qūrylysy aiaqtalady.
Sondai-aq Azamat Qaldybekov jyl soŋyna deiın Nūrlytau şaǧynaudanynda täulıgıne 9 000 tekşe metr quattylyǧy bar su tartatyn jüie men sorǧy stansiiasy salynyp bıtetının habarlady. Biylǧy jyldyŋ ekınşı toqsanynda ūzyndyǧy 99 şaqyrym bolatyn sumen jabdyqtau men su būru-taratu jelısınıŋ qūrylysy bastalady, onyŋ 66 şaqyrymy — sumen jabdyqtau, 33 şaqyrymy — su būru jelısı. Jalpy qūny 19 mlrd teŋge bolatyn joba 25 myŋnan astam tūrǧyndy ortalyqtanǧan jelıge qospaqşy.
«Bız tūrǧyndardy bazalyq injenerlık infraqūrylymmen qamtamasyz etudı bırtındep şeşıp jatyrmyz. Nūrlytau şaǧynaudanynda biyldyŋ özınde sumen jabdyqtaitın negızgı nysandardyŋ qūrylysy aiaqtalady. Būl tūrǧyndardyŋ ömır süru sapasyn edäuır arttyryp, olardy sumen qamtamasyz etuge mümkındık beredı», — dedı audan basşysy.
Sonymen qatar, 2026 jyldyŋ üşınşı toqsanynda Aqtöbe, Baǧanaşyl jäne Ermensai şaǧyn audandarynda taratu jelılerın salu jobalary boiynşa memlekettık saraptama qorytyndysyn alu josparlanyp otyr.
Biylǧy üşınşı toqsanda Aqtöbe, Baǧanaşyl men Ermensai şaǧynaudanynda taratu jelısın salu jobasy boiynşa memlekettık saraptama qorytyndysyn alu josparlanyp otyr. Sonymen qatar «Almaty Su» MKK jelısı boiynşa ekınşı toqsanda Būqar jyrau, Myŋbaev, Bäsenov, Syrǧabekov köşesınde, sondai-aq Orbita-1 men Orbita-3 şaǧynaudanynda 7,3 şaqyrym sumen jabdyqtau men su būru jelısın qaita jaŋǧyrtu jūmysy bastalady.
Tötenşe jaǧdaidyŋ aldyn aluǧa erekşe köŋıl bölındı. Almaty – Ülken Almaty kölı avtojolyn nyǧaitu men qalpyna keltıru, Jäŋgır han köşesındegı su basu qaupı bar jerlerde quattylyǧy saǧatyna 400 tekşe metr bolatyn kärız sorǧy stansiiasyn salu, sondai-aq Kökşoqy şaǧynaudany men «Alma» tūrǧyn üi keşenınde tūraqty sumen jabdyqtaudy qamtamasyz etu üşın tereŋdıgı 100-den 400 metrge deiıngı ūŋǧyma qazu josparlanǧan. Būl jūmystyŋ barlyǧy jyldyŋ soŋyna deiın aiaqtalyp qalady.
«Bızge infraqūrylymdy damytu ǧana emes, onyŋ qauıpsızdıgı de maŋyzdy. Su basudyŋ aldyn alu men kürdelı uchaskelerde tūraqty sumen jabdyqtaudy qamtamasyz etuge erekşe nazar audaramyz. Būl jobalardy jüzege asyru tötenşe jaǧdaiǧa tap bolu qaupın azaityp, audannyŋ tūraqtylyǧyn arttyra tüsedı», — dedı Azamat Qaldybekov.
Jylumen jabdyqtau salasynda 2026 jyly 10,9 şaqyrym jylu jelısı men bır sorǧy stansiiasyn qaita jaŋǧyrtu boiynşa 18 joba jüzege asyrylady. Jūmys jylytu mausymy aiaqtalǧannan keiın mamyr aiynda bastalyp, qazan aiynyŋ soŋyna deiın aiaqtalady.
İnvestisiialyq baǧdarlama aiasynda 154 şaqyrym kabel jelılerı jaŋǧyrtylady, būl qazırgı 50%-dan asatyn tozu deŋgeiın 25%-ǧa tömendetuge mümkındık bermek. Sondai-aq 5,2 şaqyrym jerasty men jerüstı gaz qūbyry qaita jaŋǧyrtylady, būl jūmys ekınşı toqsanda bastalady.
Sonymen qatar ekınşı toqsanda audannyŋ 18 köşesınde trotuar jaryǧyn ornatu jobasy boiynşa saraptama qorytyndysyn alady. Odan keiın üşınşı toqsanda qūrylys-montaj jūmysy bastalady.
