اقش-تىڭ اەروعارىش اگەنتتىگى NASA ايعا باعىت العان «وريون» كەمەسىنىڭ ەكيپاجى تۇسىرگەن جەردىڭ العاشقى فوتوسۋرەتتەرىن جاريالادى، دەپ حابارلايدى "ادىرنا" ۇلتتىق پورتالى.
اگەنتتىك مالىمەتىنشە، سۋرەتتەر كەمە جەر وربيتاسىنان شىعىپ، ايعا قاراي باعىت العان ساتتە تۇسىرىلگەن. كەمە كومانديرى ريد ۋايزمان بۇل كادرلار «وريون» قوزعالتقىشتارى ارقىلى جاسالعان مانەۆردەن كەيىن الىنعانىن ايتتى.
العاشقى فوتودا جەر اتلانت مۇحيتى جاعىنان كورىنەدى. ەرەكشەلىگى – سۋرەت ادەتتەگى كارتاعا قاراعاندا «توڭكەرىلگەن»: وڭتۇستىك پوليۋس جوعارىدا، ال سولتۇستىك پوليۋس تومەندە ورنالاسقان. كادردان ساحارا ءشولى، پيرەنەي تۇبەگى جانە وڭتۇستىك امەريكانىڭ شىعىس بولىگى بايقالادى. سونداي-اق جەردىڭ ءبىر شەتىندە جارقىراعان نۇكتە رەتىندە شولپان عالامشارى كورىنەدى.
تاعى ءبىر سۋرەت «وريون» كەمەسىنىڭ يلليۋميناتورى ارقىلى تۇسىرىلسە، كەلەسى فوتودا جەردىڭ كۇندىزگى جانە تۇنگى بولىكتەرى قاتار بەينەلەنگەن.
ەكسپەديتسيا مامانى دجەرەمي حانسون ەكيپاج مۇشەلەرىنىڭ جەر وربيتاسىنان شىققاننان كەيىن الىستاپ بارا جاتقان پلانەتاعا ۇزاق قاراپ وتىرعانىن جەتكىزدى.
