قوستاناي قالاسىندا اۆتوبۋس پەن Toyota Alphard كولىگىنىڭ قاتىسۋىمەن جول-كولىك وقيعاسى بولدى، دەپ حابارلايدى "ادىرنا" ۇلتتىق پورتالى.
جول اپاتى نازارباەۆ جانە پرومىشلەننايا كوشەلەرىنىڭ قيىلىسىندا بولعان. پوليتسيا مالىمەتىنشە، جول اپاتىنا بايلانىستى سوتقا دەيىنگى تەرگەۋ باستالدى.
الدىن الا اقپارات بويىنشا، اۆتوبۋس جۇرگىزۋشىسى كەرى بۇرىلۋ مانەۆرىن جاساۋ كەزىندە Toyota Alphard كولىگىنە جول بەرمەگەن. سونىڭ سالدارىنان ەكى كولىك سوقتىعىسقان.
«جول-كولىك وقيعاسى سالدارىنان ەكى جۇرگىزۋشى دە مەديتسينالىق مەكەمەگە جەتكىزىلىپ، قاجەتتى كومەك كورسەتىلدى. اپات كەزىندە كولىكتەردە جولاۋشىلار بولماعان»، – دەلىنگەن حابارلامادا.
قازىر پوليتسيا قىزمەتكەرلەرى وقيعانىڭ بارلىق ءمان-جايىن انىقتاپ، قاجەتتى تەرگەۋ ارەكەتتەرىن جۇرگىزىپ جاتىر.
ۇقساس جاڭالىقتار
