قىتايدىڭ سىچۋان پروۆينتسياسىندا نوسەر جاۋىن سالدارىنان بولعان سۋ تاسقىنى ءتورت ادامنىڭ ءومىرىن قيدى. تاعى 48-ءى ءىز-ءتۇزسىز جوعالعان، دەپ حابارلايدى "ادىرنا" ۇلتتىق پورتالى.
قحر توراعاسى سي تسزينپين ءىز-ءتۇزسىز جوعالعان ادامداردى تابۋ ءۇشىن بارلىعىن جاساۋدى تالاپ ەتتى.
سينحۋا اقپارات اگەنتتىگىنىڭ حابارلاۋىنشا، تولاسسىز جاۋعان نوسەر سۋ تاسقىنىنا اكەپ سوقتى. سۋ اعىنى جولىندا اپات كەزىندە 201 ادام بولعان، ونىڭ 149-ى قوسىمشا توتە جولدار ارقىلى قاشىپ قۇتىلعان.
قازىرگى ۋاقىتتا جوعالعانداردى ىزدەۋ جۇمىستارى جالعاسۋدا. ىزدەۋ-قۇتقارۋ وپەراتسياسىنا 2 مىڭنان استام ادام قوسىلدى. پوليتسيا وقيعانىڭ ءمان-جايىن انىقتاپ جاتىر. اتالعان نىسانعا يەلىك ەتكەن قۇرىلىس كومپانياسىنىڭ بەس قىزمەتكەرى ەڭبەك قاۋىپسىزدىگى نورمالارىن بۇزعانى ءۇشىن ۇستالعان.
ەسكە سالايىق، شىلدە ايىنىڭ باسىندا جاۋعان نوسەر جاۋىن سالدارىنان قىتايدىڭ شىعىسى مەن وڭتۇستىك-باتىسىنداعى تاۋلى ايماقتاردا سۋ تاسقىنى مەن كوشكىن ورىن العان بولاتىن.
"ادىرنا" ۇلتتىق پورتالى
ۇقساس جاڭالىقتار
