وليمپيادا چەمپيونى، تانىمال قازاقستاندىق بوكسشى سەرىك ساپيەۆ قازاقستان بوكس فەدەراتسيا پرەزيدەنتىنىڭ كەڭەسشىسى لاۋازىمىنا تاعايىندالدى، دەپ حابارلايدى «ادىرنا» ءتىلشىسى.
«قازاقستان بوكس فەدەراتسياسى پرەزيدەنتىنىڭ بوكستى دامىتۋ جونىندەگى كەڭەسشىسى قىزمەتىندە سەرىك ساپيەۆ بوكس قۇرامالارىنىڭ ناتيجەسىن جاقسارتۋ، سپورت ءتۇرىن دامىتۋ بويىنشا جۇيەلى جۇمىس پەن وليمپيادا ويىندارىنداعى جوعارى جەتىستىك جولىندا جۇمىس اتقارادى»،- دەلىنگەن فەدەراتسيا حابارلاماسىندا.
بۇعان دەيىن ول ارىپتەسىمەن بولعان جانجالدان كەيىن قاراعاندى وبلىسىنىڭ دەنە شىنىقتىرۋ جانە سپورت باسقارماسى باسشىسى قىزمەتىنەن بوساتىلعان ەدى.
سونداي-اق تانىمال كاسىپقوي بوكسشى قانات يسلام بوكستان 19 جاسقا دەيىنگى قازاقستان جاستار قۇراماسىنىڭ ۇيلەستىرۋشىسى بولدى. ول – WBA FedeCaribe نۇسقاسى بويىنشا چەمپيون اتانعان تاجىريبەلى كاسىپقوي بوكسشى. اۋەسقوي بوكستا قىتاي قۇراماسىنىڭ ساپىندا ونەر كورسەتىپ، بەيجىڭ وليمپياداسىنىڭ، الەم چەمپيوناتىنىڭ جانە ازيا ويىندارىنىڭ قولا جۇلدەگەرى بولدى. 2010 جىلدان باستاپ قازاقستان ازاماتى اتانعان سپورتشى «استانا ارلاندارى» كلۋبى ساپىندا دا ونەر كورسەتتى. كاسىپقوي رينگتە 30 جەكپە-جەك وتكىزىپ، ونىڭ 22-ءسىن نوكاۋتپەن جەڭگەن.
