Olimpiada chempiony, tanymal qazaqstandyq boksşy Serık Säpiev Qazaqstan boks federasiia prezidentınıŋ keŋesşısı lauazymyna taǧaiyndaldy, dep habarlaidy «Adyrna» tılşısı.
«Qazaqstan boks federasiiasy prezidentınıŋ boksty damytu jönındegı keŋesşısı qyzmetınde Serık Säpiev boks qūramalarynyŋ nätijesın jaqsartu, sport türın damytu boiynşa jüielı jūmys pen Olimpiada oiyndaryndaǧy joǧary jetıstık jolynda jūmys atqarady»,- delıngen federasiia habarlamasynda.
Būǧan deiın ol ärıptesımen bolǧan janjaldan keiın Qaraǧandy oblysynyŋ dene şynyqtyru jäne sport basqarmasy basşysy qyzmetınen bosatylǧan edı.
Sondai-aq tanymal käsıpqoi boksşy Qanat İslam bokstan 19 jasqa deiıngı Qazaqstan jastar qūramasynyŋ üilestıruşısı boldy. Ol – WBA FedeCaribe nūsqasy boiynşa chempion atanǧan täjıribelı käsıpqoi boksşy. Äuesqoi boksta Qytai qūramasynyŋ sapynda öner körsetıp, Beijıŋ Olimpiadasynyŋ, älem chempionatynyŋ jäne Aziia oiyndarynyŋ qola jüldegerı boldy. 2010 jyldan bastap Qazaqstan azamaty atanǧan sportşy «Astana Arlandary» kluby sapynda da öner körsettı. Käsıpqoi ringte 30 jekpe-jek ötkızıp, onyŋ 22-sın nokautpen jeŋgen.
