اتىراۋ وبلىسىندا ءتورت ادامنىڭ قازاسىنا بايلانىستى قوزعالعان قىلمىستىق ءىس بويىنشا كۇدىكتىنىڭ بالالارى تۋرالى اقپارات تارادى، دەپ حابارلايدى "ادىرنا" ۇلتتىق پورتالى.
قىلمىستىق ىسكە قاتىسى بار ازاماتتىق نەكەدەگى جۇبايى اقبايان مۇقانعاليەۆا قازىرگى ۋاقىتتا پسيحيكالىق دەنساۋلىق ورتالىعىندا ەم الىپ جاتىر.
وقيعا سالدارىنان ەرلى-زايىپتىلاردىڭ بەس بالاسى مەملەكەت قامقورلىعىنا الىنعان. ۇشەۋى بەيىمدەۋ ورتالىعىندا، ال ءبىر جانە ءۇش جاستاعى ەكى كىشكەنتاي بالا بالالار ۇيىنە ورنالاستىرىلعان. ماماندار بالالاردىڭ جاعدايى تۇراقتى ەكەنىن حابارلادى.
جۋرناليست جۇلدىز تىلەۋحاننىڭ مالىمەتىنە سايكەس، بالالارعا اتا-اجەلەرى كەلىپ، جاعدايلارىن باقىلاپ وتىرادى. بالالار ءجيى اتا-انالارىن سۇراپ، ۇيلەرىنە قايتقىسى كەلەتىنىن ايتىپ جۇرگەنى تۋرالى دا جازىلعان.
ۇقساس جاڭالىقتار
