تورەعالي تورەالى ەسىرتكىگە ماس كۇيىندە كولىك جۇرگىزگەنى ءۇشىن 20 تاۋلىككە قاماۋعا الىندى، - دەپ حابارلايدى "ادىرنا" پورتالى.
الماتى قالاسىنىڭ اكىمشىلىك قۇقىق بۇزۋشىلىق ىستەر جونىندەگى مامانداندىرىلعان اۋدانارالىق سوتىندا قر اقبتك-ءنىڭ 608-بابىنىڭ 3-بولىگىمەن كولىك قۇرالىن ماس كۇيىندە باسقارىپ، ناتيجەسىندە كولىك قۇرالدارىنا زيان كەلتىرۋ فاكتىسى بويىنشا اكىمشىلىك ءىس قارالدى.
«سوت 2023 جىلى 14 ماۋسىمدا ەسىرتكىلىك ماساڭ كۇيدە كولىك جۇرگىزىپ كەلە جاتىپ، پاترۋلدىك كولىكتى قاعىپ كەتكەنىن، جكو ناتيجەسىندە كولىكتەرگە مەحانيكالىق زاقىم كەلگەنى انىقتالدى.
سوت وتىرىسىندا قۇقىق بۇزۋشى ءىس ماتەريالدارىندا كورسەتىلگەن فاكتىلەردى راستاپ، وكىندى.
سوت قاۋلىسىمەن اقبتك-ءنىڭ 608-بابىنىڭ 3-بولىگىمەن كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىلىپ، وعان كولىك قۇرالىن 7 جىل مەرزىمگە باسقارۋ قۇقىعىنان ايىرا وتىرىپ، 20 تاۋلىككە قاماۋعا الۋ تۇرىندەگى اكىمشىلىك جازا تاعايىندالدى»، - دەلىنگەن سوت حابارلاماسىندا.
سوت ۇكىمى زاڭدى كۇشىنە ەنگەن جوق.
ۇقساس جاڭالىقتار
