15 جەلتوقسان كۇنى ساعات 20:00-دە اقتوبە وبلىسى، العا اۋدانىندا ۇيىمداسقان قىلمىستىق توپتىڭ مۇشەسى، دەسترۋكتيۆتى ءدىني اعىمدى ۇستانۋشى ازامات قۇرىقتالدى. تەكسەرىس بارىسىندا ونىڭ ۇيىنەن قارۋ-جاراق پەن ءدىني كىتاپتار تابىلدى، دەپ حابارلايدى "ادىرنا" ۇلتتىق پورتالى "Zakon.kz"-كە cىلتەمە كەلتىرىپ.
ارنايى تەكسەرىس جۇرگىزگەن تەرگەۋشىلەر ونىڭ ءۇيىن ءتىنتىپ، ماكاروۆ تاپانشاسى، 12-كاليبرلى Mossberg اڭشى مىلتىعى، 38 دانا 9-كاليبرلى پاترون، 19 دانا 12-كاليبرلى پاترون، ءبىر باكى، 18 دانا ءدىني كىتاپ تاپتى. تابىلعان ايعاقتاردىڭ ءبارى تاركىلەنگەنىن مالىمدەدى. بۇعان قاتىستى:
"فاكتى سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە قر قىلمىستىق كودەكسىنىڭ 287-بابىنىڭ 3-بولىگى نەگىزىندە تىركەلدى", – دەلىنگەن حابارلامادا.قازىر اقتوبە قالاسىنىڭ تۇرعىنى ۋاقىتشا ۇستاۋ يزولياتورىنا توعىتىلىپ، قاماۋدا وتىر.
"ادىرنا" ۇلتتىق پورتالى
ۇقساس جاڭالىقتار
