اباي وبلىسىنىڭ ءۇرجار اۋدانىنداعى بەستەرەك اۋىلىندا بولعان جول اپاتىنان زارداپ شەككەن بالالاردىڭ جاعدايى بەلگىلى بولدى، دەپ حابارلايدى "ادىرنا" ۇلتتىق پورتالى.
قر دەنساۋلىق ساقتاۋ مينيسترلىگىنىڭ مالىمەتىنشە، زارداپ شەككەن بالالارعا ۇزدىك ماماندار تارتىلىپ، بارلىق قاجەتتى مەديتسينالىق كومەك كورسەتىلىپ جاتىر.
قازىرگى ۋاقىتتا ستاتسيوناردا ءۇش بالا ەم الۋدا. بىرەۋىنىڭ جاعدايى اسا اۋىر، ەكەۋىنىڭ جاعدايى تۇراقتى اۋىر دەپ باعالانۋدا. بالالارعا تولىق تەكسەرۋ جاسالىپ، ەمدەۋ جوسپارى ازىرلەنگەن. دارىگەرلەردىڭ بريگاداسى ءبىر پاتسيەنتكە ميعا كۇردەلى نەيروحيرۋرگيالىق وتا جاساپ جاتىر، ىشكى اعزالارداعى قان كەتۋ توقتاتىلدى. جاعدايلارى تۇراقتانعان سوڭ، بالالاردى اۋە بورتىمەن استاناعا جەتكىزۋ ماسەلەسى قارالادى.
ال ىشكى ىستەر مينيسترلىگىنىڭ حابارلاۋىنشا، كۇدىكتى جۇرگىزۋشى وقيعا ورنىندا ۇستالىپ، ۋاقىتشا ۇستاۋ يزولياتورىنا قامالدى. سوت شەشىمىمەن وعان بۇلتارتپاۋ شاراسى رەتىندە ەكى ايعا قاماۋدا ۇستاۋ جازاسى قولدانىلدى. قىلمىستىق ءىستى اباي وبلىسىنىڭ پوليتسيا دەپارتامەنتى تەرگەپ جاتىر، تەرگەۋ بارىسى ءىىم باقىلاۋىندا.
